Spıkerdiń aıtýynsha, júzege asqan jobalar qoǵamnyń áleýmettik jáne azamattyq damýyna baǵyttalǵan. Atap aıtqanda, memlekettik qyzmetkerlerge arnalǵan «Adal qoǵam» Quiz saıysy, qoǵam qaıratkerleriniń murasyn tanytýǵa baǵyttalǵan jobalar, sondaı-aq memlekettik rámizderdi nasıthattaýǵa «Qazaq Pride», baspasóz hatshylaryna arnalǵan «Content Hub» jobasy, «Qoǵam derti» jobalary, sonymen qatar áıelder kóshbasshylyǵyn damytýǵa arnalǵan «Umay» baǵdarlamasy, qoǵamdyq keńes músheleri men azamattyq sektor ókilderine arnalǵan «Kóshbasshylar kerýeni», otbasy qundylyqtaryn dáripteýge baǵyttalǵan «Otbasy mekeni – el bolashaǵy», sondaı-aq, baspasóz hatshylaryna arnalǵan «Qyraǵy kóz» jáne jumysshy mamandyqtar jyly aıasyndaǵy is-sharalar ótkizildi. Sonymen qatar, «Taza Qazaqstan» ekologııalyq aksııasy aıasynda 45 kúndik “Taza Mańǵystaý” ekologııalyq chellendj ben BAQ qyzmetkerleriniń kásibı áleýetin arttyrý sharalary uıymdastyryldy.
– Atalǵan jáne ózge de jobalar qoǵamdyq damý salasynyń mańyzdy baǵyttaryn qamtyp, óńirlik bastamalardyń sapaly oryndalýymen erekshelendi. Sondaı-aq, uıymdastyrylǵan jobalar mazmundyq tereńdigimen, qoǵamdyq mańyzdylyǵymen daralanyp, tıisti deńgeıde ótip jatyr, – dedi Gúlmıra Balǵojaeva.
Brıfıng barysynda spıker Mańǵystaý oblysynda 26 etnomádenı birlestik jumys isteıtinin atap ótti. Olar Qazaqstan Halqy Assambleıasy ınstıtýtynyń qoǵamdyq qurylymdarynyń qyzmetin nyǵaıtý jáne damytý maqsatynda 13 baǵyt boıynsha arnaıy qoǵamdyq jobalardy júzege asyryp jatyr
– Qazaqstan halqy Assambleıasynyń 13 qoǵamdyq jobalary boıynsha 150-ge jýyq is-shara uıymdastyrylyp, 10 myńnan astam adam qamtyldy. Sondaı-aq, Qazaqstan halqy Assambleıasynyń negizgi bóliginiń biri - etnomedıasııa. Oblystyq etnomedıasııa keńesi óńirdegi qoǵamdyq kelisimdi nyǵaıtý, etnos aralyq qatynastarda týyndaıtyn máselelerdiń aldyn alý jáne medıasııa mádenıetin damytý baǵytynda júıeli jumystar atqardy. Jyldyq jumys jospary bekitilip, ár aıǵa arnalǵan jospar negizinde 40-qa jýyq is-shara ótkizilip, barlyǵy 1674 adam qamtyldy, – dedi Gúlmıra Balǵojaeva.
Aıta keteıik, memlekettik aqparattyq tapsyrys aıasynda óńirdiń áleýmettik-ekonomıkalyq ımıdjin damytý baǵytynda aqparattyq jumystar júrgizilýde. Jyl basynan beri ártúrli baǵytta 25 medıa-jospar ázirlendi.
Mańǵystaý oblysy
