Hyrasia One – Mańǵystaýda jasyl sýtegin óndirý baǵytynda júzege asyrylyp jatqan eń iri halyqaralyq bastamalardyń biri. 2021 jyldan beri joba aıasynda jel men kún resýrstaryn zertteý úshin 4 meteomachta men 18 radar ornatylyp, geologııalyq-geodezııalyq zertteýler júrgizildi. Sondaı-aq halyqaralyq ESG talaptaryna sáıkes ekologııalyq jáne áleýmettik zertteýler jasaldy. Nátıjesinde 21 tarıhı-mádenı nysan anyqtalyp, arheologııalyq eskertkishter tizimine engizildi. Technip Genesis kompanııasymen birlesip daıyndalǵan aldyn ala tehnıkalyq taldaý (Pre-FEED) tolyq aıaqtaldy.
Jobanyń barlyq daıyndyq jumystary jeke ınvestısııalar esebinen júzege asyrylýda. Investordyń jalpy salǵan qarjysy – shamamen 30 mln AQSh dollary. Sonymen qatar joba Germanııa tarapynan federaldyq ınvestısııalyq kepildik alyp, strategııalyq mańyzy rastaldy.
Alǵashqy kezeńde elektr energııasynyń 4 GVt qýattylyǵy qarastyrylyp, jylyna 130 myń tonna jasyl sýtek óndirý josparlanyp otyr.
О́ńir basshysy Nurdáýlet Qılybaı jasyl energetıka salasyndaǵy halyqaralyq jobalardyń óńir ekonomıkasyn damytýdaǵy mańyzyn atap ótti.
– Osyndaı halyqaralyq deńgeıdegi iri ınvestısııalyq jobalar óńirdiń damýyna serpin beredi. Mańǵystaý jasyl energııa baǵytynda úlken áleýetke ıe, sondyqtan biz mundaı bastamalardy qoldaýǵa múddelimiz, – dedi Nurdáýlet Qılybaı.
Kezdesý qorytyndysynda oblys ákimi óńirdegi iri strategııalyq jobany júzege asyrý úshin barlyq qajetti qoldaý kórsetiletinin jetkizdi.
Mańǵystaý oblysy
