Barlyǵy jol brıgadasynyń qyzmetkeri bolǵan.
Ahrapbaev Baýyrjan Beısembekuly, jol monteri, 39 jas. Jumys ótili – 17 kún. О́ndiristik mindetterin atqarý kezinde qaza tapqan. Boıdaq, ata-anasymen birge turǵan.
Táýirbekov Maqsut Tursynbaıuly, jol sheberi-brıgadır, 55 jas. Jumys ótili – 18 jyl. «Temirjol salasynda 10 jyl minsiz qyzmeti úshin» tósbelgisimen marapattalǵan. Úıli-balaly, eki kámeletke tolmaǵan balany tárbıelep otyrǵan. Otbasynyń jalǵyz asyraýshysy, jubaıy jumys istemeıdi.
Satypaldy Darhan Erlanuly, jol monteri, 24 jas. Jumys ótili – 2 jyl. Otbasynyń jalǵyz asyraýshysy. Anasy onkologııalyq aýrýmen aýyrady, ákesi qaıtys bolǵan.
Júnisov Serikqan Nurdýbekuly, jol monteri, 60 jas. Jumys ótili – 33 jyl. «Temirjol salasynda 20 jyl minsiz qyzmeti úshin» tósbelgisimen marapattalǵan. Úsh balasy bar, onyń biri kámeletke tolmaǵan.
Otbasynyń jalǵyz asyraýshysy, jubaıy onkologııalyq aýrýmen aýyrǵan.
Temirjol magıstral jelisi dıreksııasy qaza bolǵan qyzmetkerlerdiń týystary men jaqyndaryna kóńil aıtty.
Eske salaıyq, Qaraǵandy oblysyndaǵy Sheshenqara – Qarajanǵyl aralyq ótkelinde júk poıyzy tórt temirjolshyny basyp, mert qylǵan edi. Oqıǵa 10 jeltoqsanda saǵat 17:15-te boldy.
