Ulttyq qurama barlyq 13 salmaq dárejesinde synǵa túsip, onyń altaýy júldege qol jetkizdi. Atap aıtqanda, Sáken Bıbosynov (54 keli), Orazbek Asylqulov (57 keli) jáne Abylaıhan Júsipov (71 keli) altyn medal jeńip aldy.
Sabyrjan Aqqalyqov (75 keli) kúmis júldege ıe bolsa, Temirtas Júsipov (48 keli) pen Ertýǵan Zeınýlınov (63,5 keli) qola medalmen jarysty aıaqtady.
Jalpy komandalyq esepte Qazaqstan quramasy ekinshi orynǵa turaqtady. Birinshi oryndy 7 altyn, 5 kúmis jáne 1 qola medalmen Reseı quramasy ıelense, úshinshi orynǵa О́zbekstan (2 altyn, 3 kúmis, 3 qola) jaıǵasty. Tórtinshi nátıje Ázerbaıjan quramasyna tıesili boldy (1 altyn, 2 qola).
Chempıonat qorytyndysy boıynsha Qazaqstan quramasyna 1 mln 240 myń AQSh dollary kóleminde aqshalaı syıaqy berildi. Onyń ishinde boksshylarǵa – 620 myń dollar, federasııaǵa – 310 myń dollar jáne jeke bapkerlerge – 310 myń dollar qarastyrylǵan.
