«Qazgıdromet» RMK búgin Atyraý oblysynyń soltústiginde jeldiń ekpini sekýndyna 15-20-dan 28 metrge jetetinin habarlady. Al ońtústiginde sekýndyna 30 metrden asýy múmkin.
Oblystyq tótenshe jaǵdaılar departamenti syrtqy ımıdjdik jumys jáne kommýnıkasııalar tobynyń deregine qaraǵanda, 13-14 djeltoqsanda jel ekpininiń kúsheıýinen birneshe nysannyń shatyry ushqan.
«Mundaı oqys oqıǵa Qurmanǵazy, Mahambet, Maqat aýdandary men Atyraý qalasynda tirkeldi. Aýdandarda áleýmettik nysandar men ózge de ǵımarattardyń, Atyraý qalasynda turǵyn úılerdiń shatyry búlindi. Departament qutqarýshylary qulaǵan shatyr men qaýip tóndirip turǵan bólikterin alyp tastaý jumysyn júrgizip jatyr», dep habarlady departamenttiń syrtqy ımıdjdik jumys jáne kommýnıkasııalar toby.
Departamentte aýa raıynyń qubylýyna baılanysty táýlik boıy kezekshilik uıymdastyrylǵan.
