Prezıdent Teleradıokesheni dırektory Raýshan Qajybaeva men Al Jazeera Media Network-tyń bas dırektory Sheıh Nasser bın Feısal Ál Tanı yntymaqtastyqty tereńdetý jáne Al Jazeera-nyń óńirdegi qatysý aıasyn keńeıtý máselelerin jan-jaqty talqylady.
Qoldanystaǵy formattarmen qatar, Sheıh Nasser bın Feısal Ál Tanı arnanyń Qazaqstanda habar taratýyn uıymdastyrýǵa jáne búkil Ortalyq Azııa óńirindegi oqıǵalardy taratýǵa arnalǵan kásibı baza qurýǵa úlken qyzyǵýshylyq tanytty.
Sondaı-aq Al Jazeera óńir jýrnalısteriniń kásibı daǵdylaryn damytýǵa baǵyttalǵan, Prezıdent Teleradıokesheni usynǵan eki kompanııa tájirıbesin ınstıtýsıonalızasııalaý jobalaryna aıryqsha qyzyǵýshylyq bildirdi. Taraptar dıalogty jalǵastyryp, osy bastamany 2026 jyly iske asyrý boıynsha praktıkalyq qadamdarǵa kóshýge ýaǵdalasty.
Al Jazeera Media Network bas dırektory Raýshan Qajybaevaǵa shaqyrǵany úshin alǵys aıtyp, jaqyn arada Qazaqstanǵa jumys saparymen jeke kelýge daıyn ekenin rastady.
Sonymen qatar Raýshan Qajybaeva Al Jazeera Media Institute dırektory Iman Ál Ámrımen kezdesti. 2024 jyly taraptar birlesip Maqsut Narikbayev University janyndaǵy halyqaralyq jýrnalıstıka mektebiniń stýdentteri men qazaqstandyq jýrnalısterge arnalǵan Qazaqstandaǵy alǵashqy «Al Jazeera aptalyǵyn» ótkizgen bolatyn.
Kezdesý barysynda Iman Ál Ámrı 2026 jyly ekinshi «Al Jazeera aptalyǵyn» ótkizý josparyn rastady jáne qazaqstandyq stýdentter men sala mamandaryna Al Jazeera-nyń kópjyldyq jýrnalıstik tájirıbesin jınaqtaǵan Medıa ınstıtýttyń avtorlyq kásibı ádebıetteriniń keń kitaphanasyna qoljetimdilik uıymdastyrýdy usyndy.
