Elektr jaryǵy óship qaldy

BQO energetıka jáne turǵyn úı-kommýnaldyq sharýashylyq basqarmasynyń basshysy Beıimbet Mýsınniń aıtýynsha, 13-inen 14-ine qaraǵan túni bolǵan boran kezinde 6 aýdanynda 16 myńǵa jýyq abonent elektr jaryǵynsyz qalǵan. Sonyń ishinde Aqjaıyq aýdanynda – Qabyrshaqty aýyly, Bókeı ordasy aýdanynda – 18 eldi meken, Tasqala aýdanynda – 8 aýyl, Báıterek aýdanynda – 9, Jánibek aýdanynda – 12 eldi meken, Qaztalov aýdanynda – 16 aýyl jaryqsyz qalǵan. Qalpyna keltirý jumystary úzdiksiz júrgizilip, 15 jeltoqsan kúni túski saǵat 12:30-ǵa deıin Báıterek, Aqjaıyq jáne Tasqala aýdandarynda elektrmen jabdyqtaý tolyq qalpyna keltirilgen. Dál qazirgi ýaqytta áli 3 641 abonent jaryqsyz qalyp otyr. 119 adamnan turatyn 24 brıgada elektr jelilerin jóndep jatyr.

«Bir táýiri óńirde gaz jelisinde aqaý joq, jaǵdaı turaqty» deıdi Beıimbet Mýsın.

Sý munarasy qulady

13 jeltoqsan kúni saǵat 18:00-de qatty jel saldarynan Saıhyn aýylynda rezerv retinde paıdalanylatyn qosymsha sý munarasy qulap túsken.

«Biraq bul jaǵdaı halyqty sýmen qamtamasyz etýge áser etken joq, óıtkeni negizgi munara tolyq kólemde jumysyn istep tur» deıdi mamandar.

Jańaqala aýdanynda tótenshe jaǵdaıǵa baılanysty Jýaly aýylynda – 364 adam, Jańaqazan aýylynda – 1850 adam, Jańajolda – 852 adam, Sarykólde – 424 adam, jalpy sany – 3490 adam aýyz sýsyz qalǵan.

Qatty jel úılerdiń shatyryn ushyryp áketti

Qatty jel Jańaqala aýdany Jańaqazan aýyldyq okrýgindegi eki qabatty, 18 páterli turǵyn úıdiń, sondaı-aq aýyldyq ákimdik ǵımaratynyń shatyryn zaqymdap, Tasqala aýdany ortalyǵyndaǵy jataqhana ǵımaratynyń shatyryn julyp ketken. Jataqhanada barlyǵy 60 bólme bar eken, onyń 25 bólmesinde 57 adam turǵan. Onyń ishinde 2 adam ýaqytsha «Shuǵyla» lagerine kóshirilgen. Qalǵan turǵyndar óz bólmelerinde qalatynyn nemese jaqyn týystaryna kóshetinin aıtqan. Shatyrdy jóndeý jumysy 15 jeltoqsanda bastaldy.

Jaǵdaı oblys ákiminiń baqylaýynda

Oqys oqıǵa qalyptasqaly beri Batys Qazaqstan oblysynyń ákimi Narıman Tóreǵalıev energetıka salasyna jaýapty organdardyń qatysýymen jınalys ótkizip, ahýaldy jeke baqylaýyna alǵany habarlandy. Oblys ákimi óńirlik elektr jelileri uıymdaryna, tótenshe jaǵdaılar qyzmetterine jáne jergilikti atqarýshy organdarǵa elektrmen jabdyqtaýdy qalpyna keltirý jumystaryn jedeldetý jóninde naqty tapsyrmalar bergen. Qazir oblystyq energetıka jáne turǵyn úı-kommýnaldyq sharýashylyǵy basqarmasy halyqty qajetti ıgiliktermen úzdiksiz qamtamasyz etý úshin kúsheıtilgen rejimde qyzmet etip jatyr.

Mektep oqýshylary qashyqtan oqytýǵa jiberildi

Batys Qazaqstan oblysynda qolaısyz aýa raıy jaǵdaıyna baılanysty keıbir mektepter bilim berý prosesin ýaqytsha qashyqtan oqytý formatyna kóshirdi. Atap aıtqanda Aqjaıyq aýdanynda – 1 mektep (5 oqýshy), Bókeı ordasy aýdanynda – 12 mektep, 738 oqýshy, Bórli aýdanynda – 24 mektep, 10074 oqýshy, Jánibek aýdanynda – 14 mektep, 2442 oqýshy, Qaztalov aýdanynyń 35 mektep sabaqty 20 jeltoqsanǵa aýystyrdy.

Boranda joǵalyp ketkender de bar

О́kinishke qaraı, boran kezinde úıinen shyǵyp ketip, qapııa qazaǵa ushyraǵan oqıǵalar da bolyp jatyr. 15 jeltoqsan kúni túski saǵat 12.00 shamasynda Jánibek aýdanyna qarasty Kúıgenkól aýyly mańynda 1968 jyly týǵan azamattyń óli denesi tabyldy. Aldyn ala dıagnozy – sýyqtan úsip ólgen.

Qazir Jánibek aýdandyq polısııa bólimi 1966 jyly týǵan M. degen azamatty, al Qaztalov aýdandyq polısııa qyzmetkerleri 1990 jyly týǵan E. degen azamatty izdestirip jatyr.

13 jeltoqsanda Jánibek aýdany Borsy aýyldyq okrýgindegi Tegisshil eldi mekeninen traktormen shyǵyp, Taý aýyldyq okrýgine qarasty Jiger qystaǵyna 200 bas iri qara maldy aıdap bara jatqan eki azamat ta habarsyz ketip, abyroı bolǵanda aman tabyldy.

Qazir Batys Qazaqstan oblysynyń ońtústik aýdandarynda sekýndyna 20-30 metrge deıin kúshti jel soǵyp tur. Sınoptıkter 16 jeltoqsanda oblystyń soltústiginde, shyǵysynda azdaǵan qar jaýyp, jaıaý burqasyn júretinin, 17 jeltoqsanda kúndiz oblystyń batysynda, soltústiginde, shyǵysynda qar jaýatynyn habarlady. 19 jeltoqsanda oblystyń soltústiginde, shyǵysynda qar, jaıaý burqasyn bolsa, oblystyń batysynda, ońtústiginde, shyǵysynda tuman túsedi. Aýa temperatýrasy túnde 15-20 gradýsqa deıin aıaz bolmaq.

Sońǵy aqparatqa qaraǵanda Batys Qazaqstan oblysynda sońǵy kúnderi boranǵa ushyp qaza tapqan 3 adamnyń denesi tabylǵan. Olar - Jánibek aýdanynan E.О́teshov, 1968 j.t.; Bókeıorda aýdanynan - E.Hajǵalıev, 2000 j.t., Qaztalov aýdanynan - E.Qońqaqov (1990 j.t.). Olardyń bári de úsip ólgen. Aqjaıyq aýdanynda joǵalyp ketken 54 jastaǵy T.Ilııasov aman tabyldy, qol-aıaǵy úsigen naýqas qazir Oral qalasyna jetkizilgen. Jánibek aýdanynda jeltoqsannyń 13-i kúni Kúıgenkól aýylynan Buqar qystaǵyna shyǵyp ketken 1966 j.t. M.Edilbaevty izdeý jalǵasyp jatyr.

Batys Qazaqstan oblysy