Foto:parlam.kz
«О́kinishke oraı, bul aqparat kómekshim tarapynan quzyrly organdarǵa júginbeı daıyndalǵan. Ishki ister mınıstrliginiń resmı derekterine sáıkes, Astana – qylmys deńgeıi tómen, qaýipsizdigi joǵary qala», dep jazdy T. Erǵalıev.
Onyń aıtýynsha, máslıhat sessııasynda kótergen saýalynyń negizgi maqsaty – ózi depýtat bolyp tabylatyn 16-shy okrýg turǵyndarynyń ómir súrý jaǵdaıyn jáne ınfraqurylymdy jaqsartý bolǵan.
«Máslıhat depýtaty retinde elorda ákimdigimen jáne polısııa departamentimen birlese otyryp, ishki ister organdarynyń ınfraqurylymyn damytý, materıaldyq-tehnıkalyq bazany nyǵaıtý, qyzmetkerlerdiń áleýmettik qorǵalýyn arttyrý jáne polıseılerdiń bedelin kóterý baǵytyndaǵy jumysty jalǵastyramyz», dedi depýtat.
Talǵat Erǵalıev buǵan deıin Astana máslıhaty sessııasynda sóz sóılep, bas shaharda qylmys deńgeıi joǵary ekenin málimdegen.
Al qalalyq polısııa departamenti elordadaǵy qylmys deńgeıi depýtat aıtqan kórsetkishterden edáýir tómen ekenin habarlady.
