Foto: ashyq derekkóz
Jeksenbi kúni birneshe belgisiz adam Sıdneıdegi Bondı jaǵajaıynda demalýshylarǵa oq jaýdyrǵan. Qazirgi málimet boıynsha, 16 adam qaza taýyp, taǵy 40 adam aýrýhanada jatyr. Qurbandardyń arasynda balalar da bar.
Eger kezdeısoq ótip bara jatqan azamattardyń biri qarýly qylmyskerdi toqtatpaǵanda, qurbandar sany budan da kóp bolýy múmkin edi. Er adam shabýyldaýshyǵa artynan tap berip, onyń qolyndaǵy myltyqty julyp alǵan.
Polısııanyń boljamynsha, shabýyldyń nysanasy evreılerdiń Hanýka merekesine arnalǵan is-shara bolǵan. Quqyq qorǵaý organdaryndaǵy derekkózder qylmystyń birneshe aı boıy josparlanǵanyn aıtady.
Aldyn ala málimet boıynsha, kúdiktilerdiń biri qaza bolyp, ekinshisi jaralanyp, ustalǵan. Shabýyl jasaǵandardyń biri Sıdneı turǵyny Navıd Akram bolyp shyqty, onyń úıinde tintý júrgizilgen. Avstralııalyq BAQ-tyń jazýynsha, úshinshi kúdikti óz erkimen berilgen.
Eske salaıyq, buǵan deıin Sıdneı qalasyndaǵy Bondı jaǵajaıynda belgisiz bireýlerdiń oq atqanyn habarlaǵan edik.
