Baıqaýǵa osy kásiporynnyń jumysshylary qatysty. Is-sharany «Qazaqmys korporasııasy» JShS Ǵ.Omarov atyndaǵy Shahtaprohodkalaý tresiniń basshysy Qaırat Uzaquly uıymdastyrdy.
Ujym ishinen jeti komanda iriktelip shyqty. Ár top ózderi daıyndaǵan qoıylymda Jeltoqsan kóterilisi tarıhynyń mańyzyn kórsetýge tyrysty. Qoıylymda jastar aldyńǵy tolqyn aǵa-ápkeleriniń órshil rýhyn shynaıy, nanymdy oınady. Komanda músheleri Otanǵa, eline degen júrek jylýyn, súıispenshiligin kórsetip, kórermenin súısindirdi.
Bul – jeltoqsan kóterilisiniń muzda janǵan alaýyn jańǵyrtyp, azattyqtyń aýyr jolmen kelgenin kórsetken tarıhı-tanymdyq baıqaý boldy.
Qazylar alqasynyń quramyndaǵy S.Qojamqulov atyndaǵy Ulytaý oblystyq qazaq mýzykalyq-drama teatrynyń artısi Kenjetaı Júsipuly, Jeltoqsan oqıǵasynyń kýágeri, pedagog-ustaz Gúljazıra Áýbákirqyzy jáne mýzeı mamany Aııa Jolbarysqyzy úzdik komandalardy anyqtady.
Talaptanyp, bar ónerin, yqylasyn salǵan jumysshy jastardyń ishinen júırik shyqqandarǵa júlde tartý etildi.
Birinshi oryndy «Táýelsizdik joly» toby jeńip alyp, 200.000 teńge aqshalaı syılyqty oljalady. Ekinshi oryndy «Alaý» toby (150.000 tenge), úshinshi oryndy «Jeltoqsan jeli» toby (100.000 teńge) ıelendi.
О́zge toptarǵa 75.000 teńge kótermeleý syılyǵy tartý etildi.
