Qoǵam • 15 Jeltoqsan, 2025

Áleýmettik sektordy jańǵyrtý qandaı nátıje berdi?

20 ret

kórsetildi

1 mın

oqý úshin

2025 jylǵy 1 qarashadaǵy jaǵdaı boıynsha áleýmettik-eńbek salasynda jalpy 5,8 mıllıon memlekettik qyzmet kórsetilgen. Onyń ishinde 3,9 mıllıony nemese 67,2%-y elektrondy túrde (sonyń ishinde 1,6 mıllıony proaktıvti formatta), al 1,9 mıllıony nemese 32,8%-y qaǵaz túrinde usynylǵan, dep habarlaıdy Egemen.kz.

Baıan SÚLEIMENQYZY

Áleýmettik sektordy jańǵyrtý qandaı nátıje berdi?

foto: ashyq derekkóz

2025 jyly «elektrondyq úkimet» portalynda eki memlekettik qyzmet avtomattandyryldy.

Birinshisi esi durys emes nemese áreket qabileti shekteýli kámeletke tolǵan azamattarǵa qamqorshylyq nemese qorǵanshylyq belgileý. Ekinshisi mundaı azamattardyń múlkine ıelik etýge, zeınetaqy, járdemaqy, áleýmettik tólemderge qol jetkizýge, sondaı-aq sot sheshimimen áreketke qabiletsiz nemese qabileti shekteýli dep tanylǵan tulǵalardyń múlkin ıelikten shyǵarýǵa ruqsat berý.

Sonymen qatar eGov-mobile mobıldi qosymshasyndaǵy «Sıfrlyq qujattar» servısinde «Qamqorshylyqty belgileý týraly málimetter» sıfrlyq qujaty iske qosyldy.

Memlekettik áleýmettik saqtandyrý qorynan (MÁSQ) áleýmettik tólemderdi avtomatty túrde taǵaıyndaý, bas tartý, qaıta esepteý jáne toqtatý boıynsha qanatqaqty joba da iske asyryldy.

Buryn bul prosesterge keminde 8 maman qatysyp, 3–5 jumys kúni ketetin bolsa, qazir aqparattyq júıe bul qyzmetti 1 jumys kúni ishinde oryndaıdy.