Esepti kezeńde Úkimet Memleket basshysynyń bastamasymen munaı-gaz sektoryn, janar-jaǵarmaı materıaldary naryǵyn jáne munaı óńdeýdi qamtıtyn aýqymdy reformalardy júzege asyrý isin jalǵastyrdy.
Munaı-gaz salasyndaǵy jyldyń basty oqıǵasy Teńiz ken ornyndaǵy bolashaq keńeıtý jobasynyń tolyq aıaqtalýy boldy. Zaýyttyń úshinshi býynyn paıdalanýǵa berý munaı óndirýdiń jylyna 12 mln tonnaǵa ósýin qamtamasyz etti, bul eksporttyq kiristiń turaqty kózin qalyptastyrady jáne ulttyq ekonomıkanyń áleýetin arttyrady.
JJM ishki naryǵyn retteý salasynda baǵany qoldan basqarýdan naryqtyq tetikterge kóshý júzege asyryldy. Qabyldanǵan sharalar naryqty turaqtandyrýǵa, ony otynmen qanyqtyrýǵa jáne tapshylyq qaýpin azaıtýǵa múmkindik berdi.
«2025 jyly qýattylyqty arttyrý, ónim sapasyn arttyrý jáne ǵylymı-tehnologııalyq sheshimderdi engizý qaǵıdattaryna negizdelgen munaı óńdeý salasyn damytýdyń 2040 jylǵa deıingi uzaqmerzimdi óndiristik baǵdarlary bekitildi.
Nysanaly kórsetkish jumys istep turǵan munaı óńdeý zaýyttaryn keńeıtý jáne qýaty jylyna 10 mln tonnaǵa deıin jetetin jańa MО́Z jobasyn júzege asyrý esebinen munaı óńdeý kólemin jylyna 18 mln-nan 39 mln tonnaǵa deıin arttyrýdy kózdeıdi», dep atap ótti Erlan Aqkenjenov.Bıyl CaspiBitum zaýytyn jańǵyrtý aıaqtaldy, nátıjesinde kásiporynnyń qýaty jylyna 1,5 mln tonnaǵa deıin, al bıtým óndirisi jylyna 750 myń tonnaǵa deıin artty.
Shymkent, Atyraý jáne Pavlodar munaı óńdeý zaýyttaryn keńeıtý, sondaı-aq jańa MО́Z salý úshin áleýetti ınvestorlar tartý jumystary jalǵasýda. Salanyń ekologııalyq kún tártibine jáne tehnologııalyq damýyna erekshe nazar aýdarylady. Kómirtekti beıtaraptyq strategııasy sheńberinde K5 + munaı ónimderiniń ekologııalyq standarttaryna kóshý bekitiledi. MО́Z-di tehnıkalyq jańǵyrtý munaıdy óńdeý tereńdigin 94%-ǵa deıin arttyrýǵa jáne qosylǵan quny joǵary ónim shyǵarý úshin munaı óńdeýdi munaı hımııasymen biriktirýge múmkindik beredi.
