Foto: arainfo.kz
Júıeli saıasat júzege asyp keledi
Munaı-gaz hımııasy salasynda ekonomıkany ártaraptandyrýǵa jáne shıkizatqa táýeldilikti tómendetýge baǵyttalǵan júıeli saıasat júzege asyrylyp jatyr. Otandyq munaı-gaz hımııasy turaqty eki tańbaly ósim qarqynyn kórsetip, shıkizattyq emes eksporttyń negizgi qozǵaýshy kúshteriniń birine aınalyp keledi.
«2025 jyldyń qorytyndysy boıynsha munaı-gaz hımııasy ónimderiniń óndiris kólemi 12%-ǵa ulǵaıdy. Qazaqstan polıpropılen, benzol jáne paraksıloldy qosa alǵanda, tereń óńdelgen ónimderdi syrtqy naryqtarǵa júıeli túrde jetkizýdi júzege asyryp otyr», dedi Erlan Aqkenjenov.
Álemdik deńgeıdegi keshender qurý qolǵa alynǵan
Salanyń strategııalyq damýy aýqymdy ónerkásiptik qurylys kezeńimen tyǵyz baılanysty. Elde álemdik deńgeıdegi munaı-hımııa keshenderin qurý jobalary iske asyrylyp jatyr. Atyraý oblysynda bolashaq polıetılen zaýytyna arnalǵan pırolız qondyrǵysynyń qurylysy 30%-dan astam deńgeıde oryndaldy. Al Pavlodar oblysynda alkılat óndiretin kásiporyn qurý jobasyn iske asyrý bastaldy.
