Foto: Turizm jane sport ministrligi
Qorjyn qaı sport túrlerimen tolyqty?
Qazaqstannan 9 sport túri boıynsha 60 sportshy qatysty. Qurama 25 altyn, 23 kúmis, 20 qola, barlyǵy 68 medal jeńip aldy. Jalpy medaldyq esep boıynsha el komandasy 5-shi orynǵa turaqtady.
Para júzýden 34 medal, para qol kúresinen 11 medal, para ústel tennısinen 7 medal, para jeńil atletıkadan 6 medal jáne para paýerlıftıngten 6 medal jeńip alyndy.
Golboldan ulttyq qurama 1 altynǵa, bochchadan 1 kúmiske, al para taekvondodan 1 kúmis pen 1 qola medalǵa qol jetkizdi.
Birlesken eńbektiń jemisi
Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń sport basqarmasynyń basshysy Qaırat Seıtbekovtiń aıtýynsha, atalǵan jarysta el sportshylary jaqsy nátıje kórsetti.
«Bul jetistik – memlekettik qoldaýdyń, bapkerler men medısınalyq personaldyń, sondaı-aq ata-analardyń birlesken eńbeginiń jemisi. Sonymen qatar, bul oıyndar jas sportshylar úshin halyqaralyq arenada tájirıbe jınaýǵa, halyqaralyq klassıfıkasııadan ótýge jáne óz nátıjelerin odan ári jaqsartýǵa múmkindik beretin mańyzdy jarys boldy», dedi Q.Seıtbekov.
