Qazaqstan jańartylǵan energetıka salasynda álemdik ınvestorlar úshin tartymdy alań retindegi pozısııasyn nyǵaıtyp keledi.
2025 jyldyń 3-toqsanynyń qorytyndysy boıynsha taza generasııanyń úlesi elektr energııasyn óndirýdiń jalpy kóleminiń 7%-ynan asty, al JEK nysandarynyń jalpy sany 159 stansııaǵa jetti.
«2025 jyly JEK salasynda jıyntyq belgilengen qýaty 266 MVt bolatyn birqatar mańyzdy jobalar iske asyryldy. Qaraǵandy oblysy men Ulytaý óńirinde jańa jel elektr stansııalary, sondaı-aq Qyzylorda jáne Mańǵystaý oblystarynda kún elektr stansııalary paıdalanýǵa berildi. Bul nysandar qazirdiń ózinde jumys istep, eldiń energojúıesine óz úlesin qosýda», dedi Erlan Akkenjenov.
Salanyń damýyndaǵy mańyzdy kezeńderdiń biri – energııany jınaqtaý júıelerimen jabdyqtalǵan gıgavattyq deńgeıdegi jel elektr stansııasyn salýǵa arnalǵan alǵashqy iri aýksıonnyń ótkizilýi boldy. Bul jobany iske asyrý neǵurlym ıkemdi ári turaqty energojúıe qalyptastyrýǵa jol ashyp, naryqtyń aýqymdy bastamalar men zamanaýı tehnologııalyq sheshimderge daıyn ekenin rastady.
