Osy drondardy qoldanǵaly beri jol qozǵalysy erejelerin buzý jaıttary, qoǵamdyq oryndardaǵy tártip buzýshylyqtardy anyqtaý derekteri birneshe esege artty. Sonymen qatar, drondar quqyq buzýshynyń kóligin qashyqtan baqylap, ekıpaj jetkenge deıin onyń qozǵalys baǵytyn qadaǵalaı alady. Mundaı ınnovasııalyq júıeler túngi baqylaýdy kúsheıtip, polısııanyń jedel áreket etýine múmkindik berip otyr. Osylaısha qalalyq polısııa departamenti turǵyndardyń qaýipsizdigin qamtamasyz etý maqsatynda zamanaýı tehnologııalardy tıimdi paıdalana bastady.
Máselen ýchaskelik ınspektorlar reıdtik is-shara barysynda pılotsyz ushý apparatymen ishinde esirtki zaty bar túıinshekterdi jasyryn orynǵa qoıyp júrgen bir er azamatty ustady. Áýeden baqylaý kezinde patrýldik kamera kúdiktiniń kezekti oramany jasyryp jatqan sátin túsirip alǵan. Sóıtip tártip saqshylary kúdiktini jedel quryqtaıdy.
Polıseılerdiń aıtýynsha, zamanaýı tehnologııalar quqyq buzýshylyqtardy jedel anyqtaýǵa jáne olardyń jolyn kesýge zor kómegin tıgizip jatqan uqsaıdy. Sonyń nátıjesinde quqyq qorǵaýshylar dron kómegimen esirtkiniń zańsyz aınalymyna qarsy kúres jumysyn kúsheıte túsken.
ShYMKENT
