Foto: istockphoto.com
Prezıdenttiń ınfraqurylymdy damytý jáne tranzıttik áleýetti arttyrý jónindegi tapsyrmalary aıasynda kólik sektory joǵary kórsetkishterge qol jetkizdi. Kólik vıse-mınıstri Maqsat Qalıaqparovtyń málimdeýinshe, bul ósimge taý-ken, munaı-gaz jáne agrarlyq sektorlardyń qarqyndy damýy tikeleı áser etken.
О́ńirler arasynda Astana qalasy úzdik nátıje kórsetip, tasymal men qoıma qyzmetteri boıynsha 154,1%-ǵa ósti. Sondaı-aq Jetisý (136,6%) jáne Qostanaı oblystary (133,8%) da joǵary damý qarqynyn ıelendi.
«Tasymal kólemi ekonomıkanyń jaǵdaıyn kórsetedi jáne negizgi kórsetkishterdiń basym bóligi boıynsha ósim baıqalady. Júk tasymaly kóleminiń artýy ekonomıkanyń bazalyq salalarynyń damýy esebinen qamtamasyz etildi», dedi vıse-mınıstr.
