foto: Depositphotos.com
Vedomstvo málimetinshe, jyl basynan beri respýblıkalyq bıýdjetten bala týýyna baılanysty 312,2 myń adam járdemaqy alǵan, tólemderdiń jalpy somasy – 56,4 mlrd teńge. Járdemaqy mólsheri aılyq eseptik kórsetkishke (AEK) baılanysty jáne 2025 jyly 6,5%-ǵa ındekstelgen.
Atap aıtqanda:
-
birinshi, ekinshi jáne úshinshi balaǵa – 38 AEK nemese 149 416 teńge;
-
tórtinshi jáne odan keıingi balalarǵa – 63 AEK nemese 247 716 teńge tólenedi.
Bala bir jarym jasqa tolǵanǵa deıingi kútimge arnalǵan járdemaqy mindetti áleýmettik saqtandyrý júıesine qatyspaıtyn, bala kútimin júzege asyratyn tulǵalarǵa taǵaıyndalady. Jyl basynan beri bul járdemaqyny orta eseppen 125 myń adam alǵan, tólemderdiń jalpy somasy – 40,2 mlrd teńge. Aı saıynǵy tólem mólsheri:
-
birinshi balaǵa – 5,76 AEK nemese 22 648 teńge;
-
ekinshi balaǵa – 6,81 AEK nemese 26 777 teńge;
-
úshinshi balaǵa – 7,85 AEK nemese 30 866 teńge;
-
tórtinshi jáne odan keıingi balalarǵa – 8,90 AEK nemese 34 995 teńge.
Jumys isteıtin azamattarǵa Memlekettik áleýmettik saqtandyrý qorynan júktilikke jáne bosanýǵa baılanysty birjolǵy áleýmettik tólem taǵaıyndalady. Jyl basynan beri bul tólemdi 187,2 myń adam alǵan, jalpy somasy – 260 mlrd teńge, al ortasha tólem mólsheri 1,4 mln teńgeden asty.
«2025 jyldyń 11 aıynda atalǵan tólem 223,2 myń adamǵa 392,4 mlrd teńge kóleminde taǵaıyndaldy, onyń ishinde qarasha aıynda 14,9 myń adamǵa 33,8 mlrd teńge tólendi. 11 aıdaǵy aı saıynǵy ortasha tólem mólsheri 86 221 teńgeni qurady», delingen habarlamada.
