Foto: olympic.kz
Shveısarııanyń Lozanna qalasynda ótken otyrys barysynda 26 sport túri men dıssıplına boıynsha irikteý erejeleri tanystyrylyp, maquldandy. Olardyń qatarynda badmınton, basketbol, 3h3 basketbol, shosselik velosport, trek velosporty, maýntınbaık, baıdarka men kanoede esý, at sporty, semserlesý, gandbol, kógaldaǵy hokkeı, dzıýdo, qazirgi bessaıys, júzý, ashyq sýda júzý, regbı-7, jelkendi sport, oq atý jáne stendtik atý, taekvondo, voleıbol jáne jaǵajaı voleıboly bar.
Qalǵan sport túrleri boıynsha irikteý júıelerin Halyqaralyq Olımpıada komıtetiniń (HOK) Atqarýshy komıtetiniń qaraýyna 2026 jyldyń basynda usyný josparlanyp otyr.
Kópshilik sport túrleri men dıssıplınalarda 2028 jylǵy Olımpıadaǵa irikteý aldyńǵy Olımpıada oıyndarynda qoldanylǵan, ózin tıimdi kórsetken irikteý úlgilerine negizdelgen. Sonymen qatar barlyq erejeler HOK tarapynan mindetti túrde túpkilikti bekitilýi tıis.
Ulttyq olımpıada komıteti Los-Andjeleste ótetin Olımpıada oıyndaryna irikteý júıesi sportshylarǵa joldamalardy ıelenýdiń keminde eki túrli múmkindigin qarastyratynyn málimdedi.
