Eń kóp kýrorttar Shyǵys Qazaqstan, Aqmola jáne Almaty óńirlerinde shoǵyrlanǵan. Ásirese «Shymbulaq» pen «Oı-Qaraǵaı» sııaqty kýrorttar týrıster arasynda úlken suranysqa ıe.
Memleket basshysynyń 2024 jylǵy tapsyrmasyna sáıkes, 2025–2029 jyldarǵa arnalǵan Almaty taý klasterin damytýdyń keshendi jospary ázirlenýde. Joba 7 negizgi baǵytty qamtıtyn 69 is-sharadan turady. Ony iske asyrý nátıjesinde sheteldik týrıster sany 1,7 mln adamǵa deıin ósip, týrızm salasynda jumyspen qamtylǵandar sany 100 myńnan asady dep kútilýde.
Negizgi bastamalardyń biri – «Shymbulaq» pen «Oı-Qaraǵaı» kýrorttaryn biriktiretin biryńǵaı taý-shańǵy júıesin qurý. Bul týrıstik júktemeni teń bólip, ınfraqurylymǵa túsetin qysymdy azaıtýǵa múmkindik beredi.
Sonymen qatar Almaty mańynda álemdik deńgeıdegi «Almaty Superski» jobasy júzege asyrylýda. Joba aıasynda uzyndyǵy 65 shaqyrymnan asatyn taý-shańǵy trassalary salynyp, Kók-Jaılaý, Kýmbel shyńy jáne birqatar shatqaldarda zamanaýı týrıstik ınfraqurylym qalyptastyrylady.
Mamandardyń aıtýynsha, bul bastamalar Qazaqstannyń qysqy týrızmdegi áleýetin arttyryp, eldi Ortalyq Azııadaǵy jetekshi týrıstik baǵyttardyń birine aınaldyrýǵa jol ashady.
