Foto: vıdeodan alynǵan skrın
Aldyn ala qabyldanǵan sheshimniń arqasynda oqys oqıǵa kezinde eshkim zardap shekpegen.
«Keles ózeni arqyly ótetin kópirde jaryqshaq paıda boldy, Keles aýdanynyń ákimi Jánibek Aǵybaev oqıǵa ornyna baryp, kópirdiń jaı-kúıimen tanysty. Qaýipsizdikti qamtamasyz etý úshin kópir qulaǵanǵa deıin kólik qozǵalysy ýaqytsha toqtatyldy», delingen aýdan ákimdigi taratqan habarlamada.
Aldyn ala málimetke saı, kópir uzaq jyldar qyzmet etip, tirek baǵandary sý saldarynan zaqymdanǵan.
Qazir Alpamys jáne Birtilek aýyldyq okrýgterin baılanystyrý úshin uzyndyǵy 10–15 shaqyrym aınalma jol uıymdastyrylǵan.
Kópir Túrkistan oblysynyń jolaýshylar kóligi jáne avtomobıl joldary basqarmasynyń teńgeriminde bolǵan.
