Sınoptıkterdiń málimetinshe, elimizdiń basym bóliginde qar jaýyp, boran soǵady. Eldiń ońtústigi men ońtústik-shyǵysynda qar aralas jaýyn jaýyp, kóktaıǵaq bolady.Taýly aımaqtarda boran soǵady, 18 jeltoqsanda keı óńirlerde qatty jaýyn-shashyn boljanyp otyr.
Respýblıka boıynsha jel kúsheıip, sekýndyna 15–20 metrge deıin jetedi, keı ýaqytta 23–28 metrge deıin kúsheıedi. Eldiń ońtústigi men ońtústik-shyǵysynda túngi jáne tańǵy ýaqytta tuman túsedi.
«Elimizdiń batys aımaqtarynda túnde temperatýra 3-18 gradýstan 0-5 gradýsqa deıin kóterilip, kúndizgi negizgi fon 5 gradýstan 3 gradýsqa deıin nólden joǵary bolady.
Soltústik-batysta túnde temperatýra 7-23 gradýstan 0-15 gradýsqa deıin kóteriledi, kúndizgi aýytqýlar 3-15 gradýstan 0-5 gradýsqa deıin jetedi.
Soltústik jáne ortalyq aımaqtarda túnde temperatýra 15-23 gradýstan 5-15 gradýsqa deıin kóteriledi, kúndizgi aýytqýlar 10-18 gradýstan 3-8 gradýsqa deıin joǵarylaıdy.
Shyǵys aımaqtarda túnde temperatýra 12-28 gradýstan 7-20 gradýsqa deıin kóterilip, kúndizgi aýytqýlar 7-18 gradýstan 5-15 gradýsqa deıin jetedi.
Eldiń ońtústiginde túnde temperatýra 3-20 gradýstan 3-12 gradýsqa deıin kóteriledi, kúndizgi temperatýra 0-8 gradýsqa deıin jetedi.
Ońtústik-shyǵysta túnde jáne kúndiz elimizdiń negizgi fon temperatýrasy 0-5 gradýs, taýly aımaqtarda 8-13 gradýs aıaz bolady», dep habarlady «Qazgıdromet».
