Foto: Ashyq derekkózden
Joǵaryda tilge tıek etkenimizdeı bıyl el sportshylary álem jáne qurlyqtyq básekelerde el básin bıik etti. Namys pen eńbekti egiz kórgen sport sańlaqtary Qazaqstannyń bedelin halyqaralyq arenada abyroımen qorǵady. Máselen el quramasy Qytaıdyń Harbın qalasynda ótken qysqy Azııa oıyndarynda, Almatyda ótken toǵyzqmalaqtan jasóspirimder arasyndaǵy álem chempıonatynda, Ar-Rııad qalasynda uıymdastyrylǵan Islam oıyndarynda, Japonııa astanasy Tokıoda jalaýy jelbiregen XXV jazǵy Sýrdlımpııa oıyndary, sadaq atýdan Azııa chempıonaty men kúres túrleri, bokstan ótken álem birinshiliginde tabysty óner kórsetti. Jyl máresine jeter tusta osy jáne ózgede sporttaǵy eleýli jetistikterdi eske túsireıik.
El sportshylary tirkegen tarıhı jetistikter
Jerlesterimiz semserlesýden alǵashqy tarıhı medaldi jeńip aldy. Semserlesýshiler Tbılısıde ótken álem chempıonatynda alǵash ret jartylaı fınalǵa shyǵyp, qazirgi álem chempıony Italııa quramasyn jeńdi.
Kırıll Prohodov, Rýslan Qurbanov, Vadım Sharlaımov jáne Elmır Álimjanov fınal joldamasy úshin Tokıo Olımpıadasynyń chempıony, Parıj Olımpıadasynyń kúmis júldegeri Japonııa sportshylarymen sheberlik baıqasyp, qarsylastaryna az ǵana basymdyqpen jol berdi.
Qola júlde úshin ótken tartysty kezdesýde otandyq sportshylar toǵyz dúrkin Olımpıada chempıony atanǵan Fransııa quramasymen baq synasyp, álem chempıonatynyń qola júldesin jeńip aldy.
Sporttyq gımnastıka boıynsha Azııa chempıonatynda 2024 jylǵy Olımpıada oıyndarynyń kúmis júldegeri Narıman Qurbanov altyn medal jeńip aldy. Ol at snarıadyndaǵy jattyǵýlar boıynsha eń úzdik nátıje kórsetti.
Budan bólek, kórkem gımnastıkadan Aqmaral Erekeshova jasóspirimder arasynda eki dúrkin álem chempıony atandy.
Qytaıdyń Hanchjoý qalasynda uıymdastyrylǵan HIH jazǵy Azııa oıyndarynda dzıýdoshy Ábıba Ábýjaqynova tarıhı kúmis júldege qol jetkizdi.
World Boxing uıymy aıasynda ótken bokstan alǵashqy álem chempıonatynda jalpy komandalyq esepte Qazaqstan quramasy 1-orynǵa ıe boldy (7 altyn, 1 kúmis jáne 2 qola medal).
Konkımen júgirý sportynda 100 metr qashyqtyqta beıresmı álemdik rekord ornatyldy.
Qazaqstandyq short-trekshileri qysqy Azııa oıyndarynda alǵash ret altyn medal jeńip aldy. Bul synda el namysyn estafetalyq jarysqa Denıs Nıkısha, Abzal Ájiǵalıev, Ádil Ǵalıahmetov, Gleb Ivchenko, Mersaıd Jaqsybaev, Aıbek Nasen qorǵady.
Sondaı-aq Qazaqstan parabıatlonnan maýsym qorytyndysy boıynsha «Hrýstal globýsqa» qol jetkizdi.
Bıyl sadaq atýdan el quramasy tarıhı medal jeńip aldy. Sadaq atýdan Ońtústik Koreıanyń Kvandjý qalasynda ótken álem chempıonatynda kompaýnd baǵdarlamasy boıynsha Adel Jeksenbınova, Vıktorııa Lıan, Roksana Iýnýsova bastaǵan komandamyz qola júlde úshin talasta Ulybrıtanııany 232:228 esebimen jeńip ketti.
Buǵan deıin el tarıhynda 1993 jyly klassıkalyq sadaq atýdan áıelder saıysynda Iаna Týnııans qola júldeger atanǵan bolatyn.
Qazaqstan XXI ǵasyrda grek-rım kúresinen álem chempıonatynyń alǵashqy altynyn aldy. Grek-rım kúresinen 60 kg deıingi salmaqtyń fınalynda Aıdos Sultanǵalı Álisher Ganıevti (О́zbekstan) jeńdi. Osylaısha, tarıhı altyn medal Qazaqstan qorjynyna tústi. Aıdos 26 jyldan keıin eresekter arasyndaǵy álem chempıonatynyń altynyn syılady.
Almatylyq «Qaırat» klýby óz tarıhynda alǵash ret Chempıondar lıgasynyń jalpy kezeńine joldama aldy. Buǵan deıin qazaqstandyq klýbtar arasynan bul mejeni tek «Astana» 2015 jyly baǵyndyrǵan edi.
Atalǵan týrnır aıasynda 18 jastaǵy Sherhan Qalmyrza Chempıondar lıgasy tarıhyndaǵy eń jas TOP-3 qaqpashynyń qataryna endi.
«Qaırat» sapyndaǵy jas talant Dastan Sátbaev týraly da aıta ketkenimiz jón. Ol aqpan aıynda Anglııanyń áıgili klýby «Chelsıge» rekordtyq 4,3 mln eýroǵa satyldy. Osylaısha Dastan Sátbaev Qazaqstannan TOP-5 chempıonatqa aýysqan birinshi fýtbolshy retinde tirkeldi.
Rımde ótken kongreste orta salmaqtaǵy eki dúrkin álem chempıony jáne 2004 jylǵy Olımpıada oıyndarynyń kúmis júldegeri Gennadıı Golovkın World Boxing uıymynyń prezıdenti bolyp saılandy. Ol halyqaralyq sport uıymyna jetekshilik etetin alǵashqy qazaqstandyq bolmaq.
Qazaqstanda ótken halyqaralyq jarystar
Bıyl Qazaqstan úshin óte belsendi sporttyq jyl boldy. Elde halyqaralyq reıtıngtik jáne álemdik jarystar men ulttyq deńgeıdegi iri sporttyq sharalar uıymdastyryldy.
World Basketball Championship sharasy maýsymda ótti. Básekege álemniń ár túkpirinen komanda keldi.
World Tennis Championship saıysy Astanada uıymdastyryldy. Eki jarys ta halyqaralyq deńgeıdegi chempıonattar qataryna jatady jáne eldegi ınklıýzıvti sportty damytýǵa úlken serpin berdi.
Kazakhstan Open 2025 – Taekvondo G-1 reıtıngtik týrnıri. Bul báseke de Astanada 14–16 tamyz aralyǵynda uıymdastyryldy. Týrnırge álemniń 20-dan astam elinen 750-den asa sportshy qatysty. Týrnır World Taekwondo resmı kúntizbesine engizilgen.
2025 CS Denis Ten Memorial Challenge – Almaty. 1–4 qazan aralyǵynda uıymdastyrylǵan týrnırde ISU Challenger Series qataryna kiretin fıgýrıster baq synady. Bul – ISU reıtıngine esepteletin halyqaralyq týrnır.
Elimizge kelgen mártebeli meımandar
Bıyl elimizde túrli halyqaralyq federasııa prezıdentteri qonaq boldy. Halyqaralyq fýtbol federasııasynyń prezıdenti (FIFA) Djannı Infantıno Qazaqstanǵa at basyn buryp, Memleket basshysy Qasym-Jomart Toqaevpen kezdesti.
Q.Toqaev balalar fýtbolyn damytý men zamanaýı ınfraqurylym qurýǵa baǵyttalǵan FIFA Arena baǵdarlamasyn júzege asyryp jatqany úshin federasııaǵa rızashylyq bildirdi.
Prezıdent Qazaqstannyń FIFA-men yntymaqtasa otyryp, aımaqta fýtboldy qarqyndy damytqan elge aınalatynyna senim bildirdi.
Sondaı-aq elimizge alǵash ret Dúnıejúzilik dopıngke qarsy agenttik (WADA) prezıdenti Vıtold Banka bastaǵan delegasııa keldi.
Qonaqtardy Týrızm jáne sport mınıstri Erbol Myrzabosynov, Qazaqstannyń Ulttyq dopıngke qarsy ortalyǵynyń dırektory Maıra Baqasheva jáne mınıstrlik ókilderi qarsy aldy.
Sapar barysynda delegasııa sport federasııalarynyń, Ulttyq Olımpıada komıtetiniń ókilderimen, sportshylarmen jáne stýdenttermen kezdesip, elordadaǵy birqatar sport nysandaryn aralady. Resmı jıynda Qazaqstandaǵy dopıngke qarsy saıasat máseleleri talqylandy.
Búkilálemdik taekvondo federasııasynyń prezıdenti Chýngvon Choýdyń sapary da elimizdiń sport qaýymdastyǵy úshin mańyzdy oqıǵa boldy. Qurmetti qonaqty Qasym-Jomart Toqaev qabyldady.
