Kúdiktini jeke tintý kezinde jalpy salmaǵy 14,13 gramm bolatyn untaq tárizdi zat salynǵan 30 orama tárkilendi. Sonymen qatar, onyń turǵylyqty mekenjaıy boıynsha sanksııalanǵan tintý barysynda salmaǵy 926,827 gramm bolatyn untaq tárizdi zat tabylyp, alyndy.
Saraptama qorytyndysyna sáıkes, tárkilengen zat sıntetıkalyq esirtki quraly — «alfa-PVP» bolyp shyqty. Jalpy salmaǵy 940 gramm 957 mıllıgramdy qurady.
Atalǵan derekke qatysty QR Qylmystyq kodeksiniń 297-baby 3-bóligi — «Esirtki quraldaryn, psıhotroptyq zattardy nemese olardyń analogtaryn asa iri mólsherde zańsyz satyp alý, saqtaý, satý maqsatynda tasymaldaý, jóneltý ne ótkizý» boıynsha sotqa deıingi tergep-tekserý bastaldy.
Kúdikti ýaqytsha ustaý ızolıatoryna qamaldy. Qazirgi ýaqytta osy qylmysqa qatysy bar ózge de tulǵalardy anyqtaýǵa baǵyttalǵan qajetti jedel-tergeý is-sharalary júrgizilýde.
