Atyraý qalalyq sotynyń málimetine qaraǵanda, tutynýshy K.T. jeke kásipker S.-dan shyǵyndardy óteý, moraldyq zııandy óndirý týraly talap qoıǵan.
«Talap qoıýshy men jeke kásipker arasynda shart jasalǵan. Soǵan sáıkes jaýapker aq tústi tereze men jaqtaýyn daıyndaý, ornatýdy mindetine alǵan. Alaıda, jaýapker mindettemeni tıisinshe oryndamaı, ornatylǵan tereze jaqtaýy sur tústi bolyp shyqqan. Tereze men jaqtaýyn vızýaldy qaraý kezinde bir-birinen erekshelenip, jaǵymsyz kórinis tapqan», dep habarlady atalǵan sottan.
Alaıda jaýapker tutynýshynyń talabymen kelispedi. Isti qaraý kezinde Atyraý oblystyq sot saraptamasy ınstıtýtynyń mamany jazbasha qorytyndy berý úshin tartyldy. Sarapshy taýardyń taraptary arasynda jasaqtalǵan talaptarǵa sáıkes emestigi týraly qorytyndy berdi.
«Sot sheshimimen talap qoıý ishinara qanaǵattandyryldy. Jeke kásipkerden tutynýshynyń paıdasyna sapasyz taýardyń kemshiligin túzetýge baılanysty shyǵyndardy óteý úshin 1 mln 214 myń 370 teńge, 20 myń teńge moraldyq zııan ótemaqysy óndirildi», dep málimdedi sottan.
Sot sheshimi zańdy kúshine endi.
