«Sarbaz+» – jaýyngerdi shyńdaıtyn joba

Bul rette áskerdiń ma­te­rıal­­dyq-tehnıkalyq ba­zasyn kúsheı­tip, so­ǵys tehnıkalaryn sıfrlyq múm­kindiktermen jetildire túsý isi – bólek másele. Aıtpaǵymyz – áskerdegi adam kapıtalyn damytyp, sarbaz qaýipsizdigin qam­tamasyz etý. Al osy máseleniń qalaı qolǵa alynyp jatqa­nyn jýyrda Qorǵanys mınıstr­ligi­niń Almaty qalasyna arnaıy uıymdastyrǵan baspasóz týry barysynda kózimizben kórdik.

Almaty saparynan uqqany­myz, elimizdiń Qarýly Kúshte­rin­de merzimdi áskerı qyzmet­tiń jańa formaty – «Sarbaz+» jobasy engizilip jatyr. Joba sıfr­lyq quzyretterdi damytýǵa, adam kapıtalyn nyǵaıtýǵa ári jeke quramnyń qaýipsizdik deńgeıin arttyrýǵa baǵyttalǵan. Bul týraly sál keıinirek, aldy­men áskerge maman daıarlaıtyn oqý oryndaryna barǵan saparymyz­dy baıandasaq.

Aldymen Qorǵanys mınıstr­ligine qarasty eki oqý ornyna at izin saldyq. Bizdi Astanadan oń­tústikke alyp shyqqan arnaıy áskerı bort Almatyǵa qonǵan boıda birden Radıoelektronıka jáne baılanys áskerı-ınjenerlik ­ıns­­tıtýtyna bet aldyq. Onda biz­di ınstıtýt bastyǵy general-ma­ıor Nurtas Qabaqov qarsy alyp, oqý ornynyń maman daıarlaý­daǵy sońǵy sony jetistikterin tanystyryp shyqty. Instıtýt arnaıy memlekettik tapsyrys aıasynda dál qazir «Degelek» atty otandyq áskerı ushqysh­syz ushý apparatyn qurastyryp, synaqtan ótkizip jatyr eken. «Degelektiń» múmkindikterin esti­gende álem jap­paı qoldana bastaǵan osyn­daı zamanaýı tehnıkalarǵa kóbi­rek arqa súıeý kerektigi týraly oıymyzdy tipti qamshylaı tústik.

Instıtýttyń birneshe bólim­nen turatyn sheberhanasy kishi­girim fabrıka ma dersiń. Munda radıotehnıkalyq buıym­dardy qurastyrý, lazerlik kesý jáne 3D basyp shyǵarý, modeldeý jáne jobalaý zerthanalary men oqý-óndiristik-sehynda tirshilik qaınap jatyr.

Instıtýttaǵy ozyq tásilderdiń qataryna jatqyzatyn taǵy bir jetistik – elektrondy atý trenajerlary. Munyń biri tır bol­sa, ekinshisinde sarbazdar koman­dalyq urys tapsyrmasyn oryn­daıdy. Iаǵnı úlken monıtor arqyly áýe kúshterine qarsy qor­ǵanys júıesimen jumys istep, ma­shyqtanady. General-maıor N.Qabaqovtyń aıtýynsha, bul tásil qanshama ýaqyt pen qar­jyny shyǵyndaıtyn dástúrli polıgonǵa baryp jattyqqannan esh aıyrmashylyǵy joq.

Qorǵanys mınıstrliginiń B.Momyshuly atyndaǵy áskerı-sport kolledjinde de aıtýǵa tu­rarlyq jańalyq barshylyq. Byltyr burynǵy respýblıkalyq «Jas ulan» mektebi bazasynda áskerı-sporttyq kolledj bolyp qaıta qurylýynyń arqasynda oqý ornynyń ǵımaraty kúrdeli jóndeýden ótkizilgen. Oǵan qosa múmkindikteri de kóbeıgen. Oqý korpýsy, kazarmasy, sporttyq bazasy jańa jıhazdarmen, ınventarlarmen jabdyqtalypty. Al kolledjdiń ishki árleýi sońǵy ınterer úlgilerimen qaıta jón­delip, adam tanymastaı ózger­gen. Sport zaly men stadıony da búgingi suranysqa saı qaıta jóndelip, jabdyqtary da arta túsken.

Qorǵanys mınıstrliginiń bul áskerı-sport kolledji osy oqý jylynda óziniń alǵashqy kýrsanttaryn qabyldapty. Baspasóz týry barysynda jýrnalısterge kolledjdiń sporttyq jáne oqý ınfraqurylymy, sondaı-aq jas áskerı-patrıottyq kadrlardy daıarlaýdyń jańar­tylǵan modeli de tanystyryldy.

Al «Sarbaz+»-ke qaıta oral­saq, jobanyń qanatqaqty alańy retinde Almaty oblysyndaǵy 78460 áskerı bólimi tańdal­ǵan. «Sarbaz+» merzimdi áskerı qyz­metke degen kózqarasty transformasııalaý aıasynda jú­zege asyrylyp, sarbazdardy daıarlaýdyń neǵurlym sanaly ári damýǵa baǵyttalǵan júıesin kózdeıdi.

Qorǵanys vıse-mınıstri Darhan Ahmedıevtiń aıtýynsha, mundaǵy negizgi maqsat – sarbazdardyń bir jyldyq áske­rı qyzmetin barynsha tıimdi, mazmundy ári paıdaly ótkizýine jaǵdaı jasaý.

– Joba aıasynda áskerı bólim­de zamanaýı ınfraqurylym qa­lyptastyrylǵan. Atap aıtqan­da, drondar arenasy, baılanys kabıneti jumys isteıdi. Sony­men qatar sarbazdarǵa jattyǵý kezinde fıtnes-brasletter beri­lip, olardyń densaýlyǵy men fızıkalyq belsendiligi turaqty baqylaýda bolady. Sarbazdar sportpen júıeli túrde aınalysady: aptasyna úsh ret djıý-djıtsýmen jattyǵady. Buǵan qosa elektrondy tır, fýtbol alańy, strıtbol jáne vorkaýt alańdary bar. Bir jyldyq qyzmet barysynda sarbazdar aǵylshyn tilin meńgerip shyǵady, shahmattan razrıad alý múmkindigine ıe bolady, sportpen kúndelikti shuǵylda­nyp, djıý-djıtsýdan sporttyq dárejege qol jetkize alady. Iаǵnı áskerı qyzmet tek mindet atqarý emes, jeke damý kezeńi retinde uıymdastyrylyp otyr, – deıdi Qorǵanys mınıstriniń orynbasary.

D.Ahmedıev «Sarbaz+» jobasy bir jyldyq qanatqaqty joba ekenin de atap ótti. Aldaǵy ýaqyt­ta bul joba basqa áskerı bólimder­ge de kezeń-kezeńimen engizilmek. Aldaǵy kóktemgi shaqyrý kezin­de taǵy eki áskerı bólimdi qosý jos­parlanyp otyr. Keıin jyl saıyn eki-úsh, odan da kóp áskerı bólim qamtylyp, jobanyń aýqymy keńeıe túsedi.

Astana – Almaty – Astana