Foto: Aqorda
Qasym-Jomart Toqaev Tokıoda Japonııanyń iri jáne yqpaldy saýda-ınvestısııalyq korporasııalarynyń biri sanalatyn Sumitomo jetekshisimen kezdesti.
Qazaqstan Prezıdenti elimiz Sumitomo korporasııasynyń ornyqty damý men bıznestiń jaýapkershiligin arttyrýǵa beıildigin joǵary baǵalaıtynyn, sondaı-aq kompanııany uzaq merzimdi seriktes retinde qarastyratynyn atap ótti.
Shıngo Ýeno Memleket basshysyna «Qazatomónerkásip» ulttyq kompanııasymen birlesken jobany iske asyrý jaıynda málimet berdi. Atalǵan joba ıadrolyq medısına salasynda ýran ónimderinen em-sharaǵa qoldanýǵa arnalǵan radıı ızotoptar alýdyń ǵylymı-negizdemelik ádisterin ázirleýdi qarastyrady.
Kezdesýde kólik-logıstıka, energetıka, atom ónerkásibi, metallýrgııa jáne geologııalyq barlaý salalarynda birlesken ınvestısııalyq bastamalardy júzege asyrý perspektıvasy talqylandy.
