Foto: instagram.com/superwatchman
GOAT India Tour 2025 jarysynyń sońǵy kúninde Messı atalǵan áýletke tıesili antera jabaıy tabıǵatty qutqarý ortalyǵyna bardy. Qurmetti qonaqty Anant Ambanı qarsy alyp, Richard Mille 003-V2 GMT Tourbillon Asia Edition syılady.
«Altyn doptyń» segiz dúrkin ıegerine arnalǵan tartýdyń quny 1,2 mıllıon dollarǵa baǵalanyp otyr. Sondaı-aq atalǵan saǵattyń 12 nusqasy ǵana bar ekendigi de onyń salmaǵyn arttyryp tur.
Úndistan saparynan keıin áıgili aıaq dop sheberi qonaqjaılyq tanytqan elge arnaıy alǵys aıtyp, jelide jazba jarııalady.
«Namaste, Úndistan! Delı, Mýmbaı, Haıdarabad jáne Kalkýtaǵa saparym keremet ótti. Jyly qarsy alyp, tamasha qonaqjaılyq, súıispenshilik kórsetkenderińizge raqmet! Úndistanda fýtboldyń bolashaǵy jarqyn bolatynyna senemin», dep jazdy Messı.
