Qarjy • 19 Jeltoqsan, 2025

Bıyl sý salasy qyzmetkerleriniń jalaqysy 50%-ǵa deıin artty

20 ret

kórsetildi

1 mın

oqý úshin

Sý salasynyń tartymdylyǵyn arttyrý maqsatynda Sý resýrstary jáne ırrıgasııa mınıstrligi jalaqyny kóterýge baǵyttalǵan keshendi sharalar qabyldady. Nátıjesinde 2024 jyly «Qazsýshar» RMK qyzmetkerleriniń jalaqysy orta eseppen 25%-ǵa ósti, al bıyl 1 shildeden bastap taǵy 35-50%-ǵa artty. Bul týraly Sý resýrstary jáne ırrıgasııa mınıstri Nurjan Nurjigitov Úkimettiń bir jyldyq qyzmetiniń qorytyndylaryna arnalǵan baspasóz máslıhatynda aıtty, dep habarlaıdy Egemen.kz.

Aıana TOǴANBEK

Bıyl sý salasy qyzmetkerleriniń jalaqysy 50%-ǵa deıin artty

Foto: Ashyq derekkóz

Sý resýrstary jáne ırrıgasııa mınıstri Nurjan Nurjigitovtyń aıtýynsha, qazirgi tańda «Qazsýshar» RMK qyzmetkerleriniń ortasha jalaqysy eki ese ósip, 300 myń teńgeni qurap otyr.

Eńbek jaǵdaılaryn jaqsartý sharalary aıasynda, bıyldan bastap «Qazsýshar» RMK-niń 425 maýsymdyq qyzmetkeri turaqty qyzmet oryndaryna aýystyryldy.

«Qazsýshar» RMK fılıaldary úshin 757 arnaıy tehnıka men avtokólik satyp alý jumysy bastaldy. Búginge deıin josparlanǵan 757 tehnıkanyń 576-sy alyndy.

«Búgingi tańda josparlanǵan 757 tehnıkanyń 576-sy satyp alyndy. Sonymen qatar 2028 jylǵa deıingi Jol kartasy aıasynda Q.Sátpaev atyndaǵy kanaldy jańǵyrtý jáne tehnıkalyq qaıta jaraqtandyrý jumystary bastaldy. Jumystarǵa 17 transformatordy satyp alý, sondaı-aq 19 sorǵy agregatyn jańǵyrtý jáne jóndeý kiredi», dedi ol.