Qadaǵalaý organynyń málimetinshe, 2018 jyly atalǵan azamat bankterdiń biriniń mobıldi qosymshasyndaǵy júıelik qatelikterdi paıdalanyp, óziniń kartasyndaǵy shot qaldyǵynan asyp túsetin somada — 55 mıllıon teńgege jalǵan aýdarymdar jasaǵan.
Osydan keıin kúdikti tergeýden boı tasalap, halyqaralyq izdeýge jarııalanǵan.
Bıyl ol Shvesııa aýmaǵynda ustalyp, Qazaqstan Respýblıkasy Bas prokýratýrasynyń suraýy boıynsha elge ekstradısııalanǵan.
Qazirgi ýaqytta kúdikti tergeý ızolıatoryna qamaldy. Oǵan múlkin tárkileı otyryp, 5 jyldan 10 jylǵa deıin bas bostandyǵynan aıyrý jazasy qoldanylýy múmkin.
Bas prokýratýrada atap ótkendeı, Qazaqstan men Shvesııa arasynda qylmyskerlerdi berý týraly kelisim bolmaǵanyna qaramastan, 2023 jyldan beri bul elden Qazaqstanǵa tórt adam ekstradısııalanǵan. Olardyń qatarynda jalǵan aqsha jasaý jáne alaıaqtyq qylmystary boıynsha izdeýde júrgen azamattar bar.
