«Dostyq-2025» baıqaýy azamattyq qoǵamdy júıeli túrde jańǵyrtý, jalpyulttyq qundylyqtardy dáripteý, sondaı-aq Qazaqstan halqy Assambleıasynyń 30 jyldyǵyn qorytyndylaý maqsatynda uıymdastyryldy. Is-shara óńirdegi etnosaralyq kelisim men qoǵamdyq birlikti nyǵaıtýǵa baǵyttalǵan.
Saltanatty is-sharaǵa oblys ákimi, Abaı oblysy Qazaqstan halqy Assambleıasynyń tóraǵasy Berik Ýálı, etnomádenı birlestikterdiń ókilderi, qoǵamdyq uıym jetekshileri qatysty. Jıynda aımaq basshysy etnomádenı birlestikter men qoǵamdyq ınstıtýttardyń el birligi men qoǵamdyq kelisimdi nyǵaıtý jolyndaǵy eńbeginiń erekshe ekenin aıtty.
«Dana halqymyzda «Yntymaqty elge baq qonar» degen ataly sóz bar. El birligi – eldigimizdiń arqaýy, táýelsizdik tiregi! Memleket basshysy Qasym-Jomart Kemeluly Toqaev: «Birligimiz – eń basty baılyǵymyz» dep atap ótkendeı, eldik múdde jolynda birlesip eńbek etý – barshamyzdyń basty mindetimiz. Bul ustanym jýyrda Prezıdenttiń Jarlyǵymen bekitilgen ishki saıasat jónindegi strategııalyq qujattarynda da jalǵasyn tapqan. «Qazaqstan Respýblıkasynyń ishki saıasatynyń negizgi qaǵıdattary, qundylyqtary men baǵyttary» týraly Jarlyqta «Birlik pen yntymaq – qoǵamdaǵy turaqtylyq pen úılesimdiliktiń tuǵyry sanalatyn qundylyqtar» dep naqty aıqyndaldy. Adal eńbek, rııasyz kóńildiń arqasynda, sizder tatýlyq pen kelisimniń jarqyn úlgisin kórsetip kelesizder. Sonyń dáleli – búgingi «Dostyq» baıqaýy. Bul – óńirimizdegi etnos ókilderiniń mádenıeti men dástúrin qurmettep, yntymaq-birligimizdi nyǵaıtýǵa baǵyttalǵan mańyzdy shara. Tek Abaı oblysynda ǵana ótkiziletin mańyzdy alań desek bolady. Qashan da belsendi azamattyq ustanym, el tynyshtyǵy men ult tutastyǵyn kóksegen sizderdiń eńbekterińiz orasan zor!», dedi oblys ákimi.
Jıynda «Dostyq-2025» baıqaýynyń jeńimpazdary «Rýhanı birlik pen jalpyulttyq kelisimdi damytýǵa qosqan úlesi úshin», «Azamattyq qoǵamdy damytýǵa qosqan úlesi úshin», «Qoǵamdaǵy tatýlyq pen ózara qurmetti nyǵaıtýǵa qosqan úlesi úshin», «Mádenı mura men dástúrdi saqtaýǵa qosqan úlesi úshin», «Rýhanı kelisim men urpaq sabaqtastyǵynyń úlgisi» nomınasııalary boıynsha marapattaldy. Sonymen qatar birqatar etnomádenı birlestikter men qoǵamdyq uıym ókilderine Qazaqstan halqy Assambleıasynyń jáne oblys ákiminiń Alǵys hattary tabystaldy.
Kesh sońynda Ámire Qashaýbaev atyndaǵy memlekettik fılarmonııanyń konserttik baǵdarlamasy kórermen nazaryna usynyldy.
Abaı oblysy
