Is-sharaǵa Almaty oblysynyń ákimi Marat Sultanǵazıev pen Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysty. Konferensııa jyl basynan beri elimizdiń túrli aımaqtarynda dástúrli rýhanı-adamgershilik qundylyqtardy ilgeriletýge baǵyttalǵan júıeli jumystar aıasynda ótken mazmundy sharalardyń qorytyndysy boldy. Jumys sapary aıasynda oblys ákimi men Bas múftıdiń kezdesýi ótti. О́ńir basshysy turaqty dinı ahýaldy saqtaý, qoǵamdyq kelisimdi nyǵaıtý jáne dástúrli qundylyqtardy dáripteýdiń mańyzyn atap ótti. Taraptar dinı qyzmetkerlerdiń biliktiligin arttyrý jáne jastardyń rýhanı-adamgershilik tárbıesin kúsheıtýge baǵyttalǵan birlesken jobalardy iske asyrý máselelerin talqylady.
Konferensııanyń ashylýynda sóz sóılegen Marat Sultanǵazıev qazirgi syn-qaterler jaǵdaıynda otbasy ınstıtýtyn nyǵaıtý tek áleýmettik mindet qana emes, ulttyq qaýipsizdiktiń mańyzdy quramdas bóligi ekenin atap ótti.
«Memleket jaǵdaı jasap, materıaldyq qoldaý kórsete alady, alaıda otbasynyń shynaıy ál-aýqaty rýhanı qundylyqtar – qurmet, jaýapkershilik, ózara senim jáne dástúr sabaqtastyǵy arqyly qalyptasady», dedi ol.
Konferensııa barysynda otbasynyń adamgershilik baǵdarlardy qalyptastyrýdaǵy, mádenı sabaqtastyqty saqtaýdaǵy jáne óskeleń urpaqty tárbıeleýdegi negizgi ınstıtýt retindegi róline erekshe nazar aýdaryldy. Osy turǵyda dástúrli ıslam qundylyqtarynyń mańyzy atap ótildi. Onda otbasy adaldyqqa, qurmetke, jaýapkershilikke, sabyrlylyq pen ózara syılastyqqa negizdelgen amanat retinde qarastyrylady. Bul qaǵıdattar qazaq halqynyń salt-dástúrimen tarıhı turǵyda úılesedi.
Jyl basynan beri óńirde 7 302 neke tirkelgen. Almaty oblysynda 75 678 kópbalaly otbasy turady, 11 975 ana «Altyn alqa» jáne «Kúmis alqa» ıegeri atanǵan.
Sonymen qatar óńirde otbasy ınstıtýtyn jáne áleýmettik osal sanattaǵy azamattardy qoldaýǵa baǵyttalǵan keshendi sharalar júzege asyrylýda. Jyl basynan beri 3 522 otbasyna 2,3 mlrd teńgeden astam somaǵa ataýly áleýmettik kómek kórsetildi. Turǵyn úı baǵdarlamalary aıasynda áleýmettik osal sanattaǵy azamattarǵa 427 páter berildi.
О́ńirde 312 meshit jumys isteıdi, onda 517 dinı qyzmetker eńbek etedi. 2024–2025 jyldary 200-den astam ımam teologtar, zańgerler men psıhologtardyń qatysýymen arnaıy kýrstar men semınarlardan ótti. Oqytý dinı ekstremızmniń aldyn alýǵa, otbasylyq janjaldardy sheshýge, jastarmen jumys isteýge jáne destrýktıvti ıdeologııalarǵa qarsy turýǵa baǵyttalǵan.
Qatysýshylar 2025 jyldy «Islam jáne otbasylyq qundylyqtar» jyly dep jarııalaý bastamasyn ýaqtyly ári mańyzdy sheshim retinde atap ótti. Bul qadam otbasy ınstıtýtyn qoldaýǵa, jastardyń rýhanı-adamgershilik tárbıesin nyǵaıtýǵa jáne qoǵamdy toptastyrýǵa baǵyttalǵan.
Konferensııa qorytyndysy boıynsha qatysýshylar aıtylǵan usynystar men bastamalar Almaty oblysy men jalpy el kóleminde otbasy ınstıtýtyn nyǵaıtýǵa, rýhanı qundylyqtardy damytýǵa jáne áleýmettik ál-aýqatty arttyrýǵa óz úlesin qosatynyna senim bildirdi.
Almaty oblysy.
