Oqıǵa Fedorovka aýylynan shamamen 4 shaqyrym jerde bolǵan. Tájikstan – Reseı baǵytymen kele jatqan avtobýs qatty aıaz kezinde tehnıkalyq aqaýǵa baılanysty jolda qalǵan. Aýa temperatýrasynyń kúrt tómendeýine baılanysty jolaýshylardyń ómiri men densaýlyǵyna qaýip tóngen.
Qutqarý jumystaryna TJM, jergilikti atqarýshy organdar men polısııa qyzmetkerleri jumyldyryldy. Nátıjesinde 16 adam, onyń ishinde segiz bala qaýipsiz jerge evakýasııalandy. Jolaýshylar Jarkól aýylyndaǵy jylyný pýnktine ornalastyryldy.
Resmı málimetke sáıkes, eshkim medısınalyq kómekke muqtaj bolmaǵan.
Mamandar aýa raıy kúrt nasharlaǵan kezeńde alys jolǵa shyqpaýǵa keńes beredi. Tótenshe jaǵdaı týyndaǵan jaǵdaıda 112 nómirine dereý habarlasý qajettigi eskertildi.
