Kompanııanyń málimetinshe, 20 jeltoqsanda Blue Origin 37-shi ushýyn sátti júzege asyrdy.
– NS-37 mıssııasy bıylǵy toǵyzynshy ushýymyz boldy jáne 2026 jyldan bastap ári qaraı New Shepard ushýlarynyń sanyn arttyrýǵa negiz qalaıdy. Bul ekıpaj búginde ǵaryshqa usha alatyn adamdardyń aýqymy men alýan túrliligin aıqyn kórsetedi: ınjenerler men ǵalymdardan bastap, kásipkerler, oqytýshylar jáne álemniń túkpir-túkpirinen kelgen ınvestorlarǵa deıin bar. Árqaısysy óz kózqarasy men zertteýge degen qushtarlyǵyn ala keledi. Al Mıchıdiń ushýynyń máni aıryqsha – ol ǵaryshtyń barshaǵa qoljetimdi ekenin dáleldeıdi. Biz oǵan osy armanyn júzege asyrýǵa kómekteskenimizdi maqtan tutamyz, – dedi New Shepard baǵdarlamasynyń aǵa vıse-prezıdenti Fıl Djoıs.
Aıta keteıik, New Shepard apparatyn jobalaý kezinde múmkindigi shekteýli jandardyń qajettilikteri eskerilgen. Keme tolyqtaı avtonomdy jáne ushyrý alańynda lıftpen jabdyqtalǵan.
Aeroǵaryshtyq tehnıka men mehatronıka salasynyń ınjeneri, Eýropalyq ǵarysh agenttiginde qyzmet etetin Mıhaela (Mıchı) Benthaýs kásibı jolyn ǵalamaralyq zertteýlerdi damytýǵa baǵyttalǵan ǵylymı yntymaqtastyqqa arnaǵan. 2018 jyly ol taý velosıpedimen serýendeý kezinde apatqa ushyrap, sonyń saldarynan julyn jaraqatyn alǵan. Soǵan qaramastan, áıel sportpen aınalysýdy jalǵastyryp keledi, onyń ishinde arbadaǵy tennıspen de shuǵyldanady.
Ushý shtattyq rejımde ótti jáne 10 mınýt 26 sekýndqa sozyldy. Ekıpaj otyrǵan kapsýla Jer betinen 106 shaqyrym, al teńiz deńgeıinen 107 shaqyrym bıiktikke deıin kóterildi.
