Vedomstvo málimetinshe, «Maslodel» JShS-niń astyq keptirgish qondyrǵysynda kúnbaǵys dánderi tutanyp, órt sóndirýshiler kelgen kezde nysan ashyq jalynmen janyp jatqan.
Mınıstrliktiń habarlaýynsha, qatty aıazǵa qaramastan, TJM órt sóndirý bólimsheleri órtti sóndirý kezinde joǵary kásibılik pen úılesimdi áreketti kórsetti. Alǵashqy mınýttardan bastap jaqyn mańdaǵy órt sóndirý sý kózderinen úzdiksiz sý berý uıymdastyrylyp, barlyq órt-tehnıkalyq jabdyqtar turaqty túrde jylytylyp qoldanylǵan. О́rt sóndirýshiler aýyr jaǵdaıda jumys istedi.
Jeke quram úshin qosymsha aýystyratyn jaýyngerlik kıim jetkizilip, órtti sóndirýge qatysýshylardy jylytýǵa arnalǵan arnaıy kólik uıymdastyrylǵan.
О́rtti sóndirýge 47 qutqarýshy men 12 tehnıka jumyldyryldy. Oqıǵa ornynda jaryqtandyrý, turaqty baılanys jáne kúshterdi basqarý qamtamasyz etildi. Jedel ári naqty áreketterdiń arqasynda órt qysqa merzimde tolyqtaı sóndirildi.
