Saltanatty jıynda áskerı bólim komandıri polkovnık Erlan Býranbaev sarbazdarǵa aq jol tilep, júrekjardy lebizin bildirdi. Sonymen qatar Erlan Kárimjanuly óz sózinde sarbazdardyń áskerı qyzmet barysynda qalyptasqan tártibi, jaýapkershiligi men tózimdiligi olardyń aldaǵy azamattyq ómirinde de úlken paıdasyn tıgizetinin atap ótti.
«Sizder bir jyl ishinde naǵyz er-azamat bolyp qalyptastyńyzdar. Áskerı qyzmet - tek tártip pen shydamdylyqtyń mektebi emes, bul Otanǵa degen súıispenshilikti tereń túsinýdiń joly. Árqaısyńyz eldiń tynyshtyǵyn kúzetkenderińiz úshin maqtanyshqa laıyqsyzdar. Aldaǵy ómir joldaryńyz ashyq, qadamdaryńyz nyq bolsyn», dedi ol.
Qyzmet barysynda erekshe kózge túsken úzdik áskerı qyzmetshiler marapattalyp, barsha sarbazdarǵa adal qyzmeti men joǵary tártibi úshin bólim komandıriniń atynan Alǵys hat tabystaldy.
