Foto: Ashyq derekkóz
Ishki ister mınıstrligi elimizde avtokólikterdi urlaýdyń jańa tásili paıda bolǵanyn málimdedi. Qylmystyq shema logıstıkalyq onlaın-platformalardy paıdalanýǵa negizdelgen.
Tergeý derekterine sáıkes, tapsyrys berýshiler men arnaıy kólik tasymaldaýshy habarlandyrýlaryn Della jáne Fa-Fa.kz sekildi servısterge ornalastyrady. Kóbine baǵyttar Almaty men Almaty oblysynan eldiń ózge óńirlerine qaraı belgilenedi.
Osy habarlandyrýlarǵa qylmyskerler jaýap beredi. Olar bir mezette eki rólge kiredi. Birinde klıentterge ózderin tasymaldaýshy retinde tanystyrsa, birinde júrgizýshilerge áleýetti tapsyrys berýshi bolyp kórinedi. Barlyq shart kelisilgen soń, júk tıegen kólik qaladan uzaı bergende, qylmyskerler tasymaldanǵan avtokólik nemese júkti basqa jerge aýystyryp, izin sýytady.
IIM bul shemanyń qaýiptiligi onyń «zańdy kelisim» túrinde jasalýynda ekenin atap ótti. Qujattar men hat almasý bar bolǵanymen, is júzinde júk ıesi de, júrgizýshi de alaıaqtardyń qurbanyna aınalady.
Vedomstvo azamattarǵa onlaın-platformalar arqyly tasymal uıymdastyrǵanda saq bolýǵa shaqyrady. Atap aıtqanda, tasymaldaýshynyń qujattaryn muqııat tekserý, aldyn ala tólem jasaýǵa asyqpaý, marshrýt pen baılanys derekterin naqtylaý qajet.
Mamandardyń aıtýynsha, bul jaǵdaı sıfrlyq qyzmetter damyǵan saıyn qylmystyń da sol ortaǵa beıimdelip jatqanyn kórsetedi. Sondyqtan qaýipsizdik endi tek jolda emes, ekrannyń arǵy betinde de qamtamasyz etilýi tıis.
