Foto: Ashyq derekkóz
Astana ákiminiń aıtýynsha, qazirgi tańda jeńil relsti kólik júıesi 2,6 aıdan beri synaq rejıminde jumys istep tur. Osy aıdyń sońyna deıin jobaǵa qajetti barlyq vagondardyń jetkizilimi tolyq aıaqtalady dep kútiledi. Qazirgi ýaqytta beketterdiń ishki árleý jumystary sońǵy kezeńge kelgen.
«Biz bastapqyda synaq rejımi úsh aıdan alty aıǵa deıin sozylatynyn aıtqan bolatynbyz. Degenmen, aldaǵy eki aıdyń ishinde barlyq jumystardy tolyq aıaqtap, LRT-ny jumys rejıminde iske qosýdy josparlap otyrmyz», dedi ákim Ortalyq kommýnıkasııalar qyzmetinde ótken brıfıngte.
Jańa kólik júıesi iske qosylǵan soń Esil jáne Nura aýdandaryndaǵy keptelis máselesin sheshýge septigin tıgizbek.
Ásirese, Qaldaıaqov, Syǵanaq kósheleri men Qabanbaı batyr dańǵylyndaǵy kólik keptelisi aıtarlyqtaı jeńildeıdi dep boljanyp otyr.
Eske sala keteıik, LRT júıesin keshendi synaqtan ótkizý jumystary bıylǵy jyldyń 29 qyrkúıeginde bastalǵan bolatyn.
