Astanada Ortalyq kommýnıkasııalar qyzmetinde ótken brıfıng barysynda jýrnalıster ákimnen WhatsApp messendjerindegi hat almasý skrınshottary týraly surady. Onda habarlama avtorlary pedagogtardan Qyzylorda oblysynyń ákimi jaıly jazbalarǵa 30 laık qoıyp, sonsha pikir jazý talap etilgenin alǵa tartqan.
Nurlybek Nálibaev mundaı tapsyrmalardyń bolǵanyn joqqa shyǵardy.
– Ondaı tapsyrma bolǵan joq. Eger naqty dálelder bolsa, joldańyzdar, men jaýap beremin. Qajet bolǵan jaǵdaıda bul derekti tekserý úshin quqyq qorǵaý organdaryna júginemiz. Bul aqparattyń qaıdan shyqqanyn bilmeımin. Bizge laık ta, pikir de qajet emes. Biz tek óz jumysymyzdy atqaryp jatyrmyz, – dedi oblys ákimi.
Ákimdik nege aqparattyń shyndyqqa sáıkes emestigine qaramastan tekseris bastamady degen suraqqa jaýap bergen Nálibaev ınternette jarııalanatyn aqparat kóleminiń kóp ekenin aıtyp, bul máselege qatysty qajet bolsa jazbasha túrde keńirek túsinikteme berýge daıyn ekenin jetkizdi.
– Jelide ártúrli aqparat kóp jarııalanady. Men ony esime túsire almaı otyrmyn, shamasy, bul suraqqa buryn da jaýap bergen shyǵarmyn, – dedi ol.
