Infraqurylym • 22 Jeltoqsan, 2025

Aqtóbe oblysynda eldi mekenderdi gazdandyrý jobasy artyǵymen oryndaldy

20 ret

kórsetildi

1 mın

oqý úshin

Aqtóbe oblysynda osy jyly 31 eldi mekenge gaz qubyry tartyldy. Tek jeltoqsannyń sońǵy onkúndiginde jeti aýyl turǵyndary osyndaı ıgilikke ıe boldy. Olardyń qatarynda Baıǵanın aýdanynyń Qarajar, Oımaýyt aýyldary, Shalqar aýdanynyń Alabas, Bershúgir jáne Sarysaı aýyldary, Mártók aýdanynyń Aqqaıyń jáne Pokrovka eldi mekenderi bar, dep jazady Egemen.kz.

Baıan QÝANDYQQYZY

Aqtóbe oblysynda eldi mekenderdi gazdandyrý jobasy artyǵymen oryndaldy

Osylaısha óńir turǵyndarynyń 97,1%-y tabıǵı gazben qamtamasyz etildi.

Energetıka jáne turǵyn úı-kommýnaldyq sharýashylyq basqarmasynyń basshysy Erjan Muzdybaevtyń habarlaýynsha, kezeń-kezeńimen iske asyrylǵan jumystar nátıjesinde osy kezge deıin Aqtóbe oblysyndaǵy 319 aýyldyń 203-i ortalyqtandyrylǵan gaz qubyryna qosyldy.

Jeltoqsannyń sońǵy onkúndiginde Aqtóbe qalasynan 460 shaqyrym qashyqtyqta ornalasqan Baıǵanın aýdanynyń Oımaýyt aýylyna gaz qubyrynyń tartylýy 800 turǵynnyń kópten kútken qýanyshyna aınaldy. Oımaýytqa gaz tartý jobasyna respýblıkalyq bıýdjetten 8 mlrd 300 mln teńge bólindi. Erte kóktemde bastalǵan jumys kúzgi laısań men qystyń alǵashqy aıyndaǵy aýa raıynyń qolaısyzdyǵyna qaramaı toqtaýsyz júrdi.

Osylaısha tapsyrys berýshi mekeme men merdigerdiń úılestirilgen jumystary nátıjesinde bıyl jobalanǵan 28 aýyldyń ornyna 31 aýyl gaz qubyryna qosyldy.

Aqtóbe oblysy