Foto: Ashyq derekkózden
Bul jyl jas ónerpazdar úshin de jemisti boldy. Olar álemdegi eń iri mýzykalyq baıqaýlarda óner kórsetip, jeńiske jetti. Atap aıtsaq, Erjan Maksım Dýbaıda ótken Sanremo Best Song – 2025 baıqaýynyń Gran-prı ıegeri, Aleksandr Lım Qazanda ótken XXI «Jańa tolqyn – 2025» konkýrsynyń Gran-prı ıegeri, Almagúl Battalıeva XXXIV «Slavıan bazary» halyqaralyq óner festıvaliniń Gran-prı ıegeri, El Voice toby Stavropolde ótken «Soldier’s Envelope – 2025» halyqaralyq festıvaliniń Gran-prı ıegeri, Almaty oblysy Jambyl aýdany Qaınazar aýyly №1 orta mektebiniń 7-shi synyp oqýshysy Mıras Naǵashybaı XXIII «Vıtebsk» halyqaralyq balalar mýzykalyq baıqaýynyń jeńimpazy, Jasmın Túzelova Reseıdegi «Golos. Detı» mýzykalyq shoýynyń fınalısi, Ernar Sadyrbaev (Amre) Máskeýde ótken «Intervıdenıe – 2025» halyqaralyq baıqaýynyń fınalısi atandy.
«Maǵan osy kúnge deıin senimin joǵaltpaı, qoldaý kórsetip kele jatqan elime alǵysymdy bildirgim keledi. Kez kelgen jas ónerpaz úshin qoldaý óte mańyzdy. Mádenıet salasyndaǵy áriptesterim de Memleket basshysynyń jan-jaqty qoldaýyn kórip keledi. Bul shyǵarmashylyqqa aıtarlyqtaı áser etedi. Senim men batyldyq artyp, kóp iske qulshynys paıda bolady. Men óz tarapymnan elimizdi odan ári tanyta berýge bar kúsh-jigerimdi salamyn», dedi Ernar Sadyrbaev.
Bıyl shyǵarmashylyq oqý oryndary stýdentteriniń arasynan shyqqan baıqaý jeńimpazdarynyń sany 14,9%-ǵa artty.
Tek 2025 jyldyń ózinde mádenıet salasyndaǵy joǵary oqý oryndary men kolledjderdiń 1511 stýdenti respýblıkalyq jáne halyqaralyq festıvalderdiń laýreattary men dıplomanttary boldy.
Bıyl el sportynda tirkelgen tarıhı jetistikter toptamasyn da nazarlaryńyzǵa usynamyz.
