Jezdi kentinde ashylǵan sport kesheni Memleket basshysynyń óńirlerdi damytý, azamattardyń ómir súrý sapasyn arttyrý jáne salaýatty ult qalyptastyrýǵa baǵyttalǵan memlekettik saıasatynyń naqty nátıjesi. Ásirese, osyndaı kópten kútken zamanaýı sport nysanynyń aýyldyq eldi mekenderde salynýy – memleket tarapynan barlyq óńirlerge kóńil bólinip otyrǵanynyń dáleli.
Ashylý rásimine Ulytaý oblysynyń ákimi Dastan Ryspekov qatysyp, óńir turǵyndaryn jańa sport nysanynyń iske qosylýymen quttyqtady.
Qos qabatty sport kesheninde basketbol jáne voleıbol oıyndaryna arnalǵan ámbebap sport zaly, kórermenderge arnalǵan oryndar, ákimshilik kabınetter men arnaıy qosalqy bólmeler qarastyrylǵan.
Jańa nysan turǵyndardyń sportpen turaqty túrde aınalysýyna jáne buqaralyq sportty damytýǵa múmkindik beredi. Munda balalar men jastardyń sportpen shuǵyldanyp, óz qabiletterin shyńdaýǵa múmkindigi bar.
Jyl sońyna deıin Ulytaý oblysynyń ortalyǵy Jezqazǵan qalasynda esý sportyna arnalǵan sport kesheni, Jańaarqa aýdanynyń Atasý kentinde 210 oryndyq deneshynyqtyrý-saýyqtyrý kesheni, sondaı-aq Eralıev aýylynda angar úlgisindegi jyldam salynatyn sport kesheni el ıgiligine berilmek.
