Foto: Ashyq derekkóz
Úkimet otyrysynda Qarjy mınıstri Mádı Takıev salyq beresheginiń shekti somasyn kóterý týraly mańyzdy málimdeme jasady. Mınıstrdiń aıtýynsha, qazirgi ýaqytta boryshkerlerdiń basym bóligi óte az soma úshin zardap shegip otyr.
Salyq bereshegi bar kásipkerler qaryzyn keıinge qaldyra alady
Buǵan deıin salyq pen áleýmettik tólemder boıynsha naqty tómengi shek bolmaǵandyqtan, tipti tıyn-teben úshin de mıkro jáne shaǵyn bıznestiń shottary buǵattalyp, operasııalary toqtatylatyn.
«Boryshkerlerdiń shamamen 72%-ynyń moınynda 6 AEK-ke (shamamen 26 myń teńge) jetpeıtin qaryz bar. Osynyń kesirinen shyǵys operasııalary toqtatylyp, bıznes ýaqyty men aqshasyn joǵaltyp jatyr», dedi Mádı Takıev.
Jańa erejeler boıynsha salyq tóleýshilerge qatysty sharalar qaryz somasyna qaraı úsh saty boıynsha qoldanylady:
- 87 myń teńgege deıin (20 AEK): Shot buǵattalmaıdy. Salyq tóleýshige tek habarlama jiberilip, ósimpul (penıa) ǵana esepteledi.
- 87 myńnan 195 myń teńgege deıin (20–45 AEK): Shyǵys operasııalary tek ótelmegen borysh somasy kóleminde ǵana ýaqytsha toqtatylady. Eger bul eskertý elenbese, májbúrlep alý tetikteri iske qosylady.
- 195 myń teńgeden assa (45 AEK-ten joǵary): Múlikti tizimdeý, satý jáne debıtorlar esebinen óndirip alý sııaqty eń qatań sharalar qoldanylady.
Mınıstrdiń sózinshe, áleýmettik tólemderdi májbúrlep óndirip alýdyń tómengi shegi de shamamen 26 myń teńgege (6 AEK) deıin kóteriledi. Bul qadam shaǵyn bızneske artyq bıýrokratııalyq kedergisiz jumys isteýge múmkindik beredi.
Buǵan deıin Úkimet basshysy jańa Bıýdjet kodeksine sáıkes shaǵyn bıznesten túsetin barlyq salyq túsimi ákimdikterdiń ıeliginde qalatynyn atap ótti.
