Foto: zakon.kz
Asanáli Áshimov shyǵarmashylyq jolynda 30-dan astam fılmge túsip, 50-ge jýyq róldi sheber somdaǵan.
Tarlan tulǵamen qoshtasý rásimine Memlekettik hatshy Erlan Qarın, Premer-mınıstrdiń orynbasary – mádenıet jáne aqparat mınıstri Aıda Balaeva jáne Almaty qalasynyń ákimi Darhan Satybaldy qatysty. Asanáli Áshimovpen qoshtasýǵa onyń týystary, áriptesteri men shákirtteri, akterdiń ónerin qurmetteıtin myńdaǵan adam jınaldy.
Qoshtasý rásiminde sóz alǵan Almaty qalasynyń ákimi Darhan Satybaldy Asanáli Áshimovtiń tek kıno men teatr emes, el maqtanyshy bolǵanyn atap ótti.
«Halyq ártisi Asanáli Áshimov – bizdiń Otanymyz úshin ańyz adam. Onyń janymyzda júrgeniniń ózi úlken qýanysh edi. Ol tek teatr men kınonyń ǵana emes, búkil eldiń maqtanyshy boldy. О́mirin teatr men kınonyń damýyna arnady, birneshe býyn talanttardy tárbıeledi. Onyń shákirtteri bul joldy jalǵastyrady dep senemiz. Ol qala máselelerine kóp kóńil bóldi, halyqtyń ál-aýqatyna úles qosty. О́kinishke qaraı, ómirdiń jospary basqa boldy», dedi D.Satybaldy.
Memleket basshysy Qasym-Jomart Toqaev Halyq ártisi, Qazaqstannyń Eńbek Eri Asanáli Áshimovtiń dúnıeden ótýine baılanysty onyń otbasy men jaqyndaryna kóńil aıtyp, jedelhat joldady.
Sondaı-aq orny tolmas qazaǵa memleket jáne qoǵam qaıratkerleri de kóńil aıtty.
