О́ńirde 2025-2029 jyldary jalpy quny 198 mlrd teńge bolatyn 17 týrıstik ınvestısııalyq jobalardy iske asyrý josparlanǵan. Nátıjesinde 800-den astam jańa jumys orny ashylady. Sonymen qatar bıyl «Omir apartments» apartamentteri – 2 kezeń, «Wyndham Garden Aktau» jáne «Shahristan» qonaq úı keshenderi, Dostar qonaq úıin qaıta qurylymdaý syndy 4 joba paıdalanýǵa berildi. Budan bólek termaldy sýlary bar sanatorıı-kýrorttyq kesheni salynyp jatyr jáne balalar demalysyn damytý maqsatynda Kaspıı jaǵalaýynda kópfýnksıonaldy «Aqqu Resort&Camp» ortalyǵy ashyldy. Sondaı-aq Bozjyra shatqalynda sapar ortalyǵynyń qurylysy aıaqtalyp, aldaǵy týrıstik maýsymda iske qosylady.
«О́ńirde týrızmdi damytý boıynsha keshendi jospar júzege asýda. Mańǵystaý, Shetpe jáne Beıneý temirjol vokzaldary jańǵyrtylyp jatyr, sondaı-aq Kendirlide jańa áýejaıdyń qurylysy bastaldy. Bul ınfraqurylym salany jańa deńgeıge shyǵarady», dedi Nurdáýlet Qılybaı.
