Foto: Aqorda
О́tken aptada Japonııaǵa jasaǵan resmı sapary barysynda Tokıo gýbernatorymen kezdeskenin eske salǵan Memleket basshysy, qos tarap sıfrlyq tehnologııalar salasynda yntymaqtastyq ornatýǵa keliskenin jetkizdi.
«Japonııa ozyq sheshimderdi memlekettik basqarý salasyna engizý turǵysynan zor tabysqa jetip otyr. Biz osy baǵytta tájirıbe almasatyn boldyq», dedi Qasym-Jomart Toqaev.
Prezıdenttiń tapsyrmasyna sáıkes, Astanada Smart City jobasy aıasynda jaqyn arada Jedel basqarý ortalyǵy iske qosylýy tıis.
«Jaqyn arada Jedel basqarý ortalyǵy iske qosylady. Qaladaǵy beınekameralardyń jumysy jáne basqa da qyzmetter osy ortalyqtan basqarylady. Bul júıe túrli qaýip-qaterge der kezinde nazar aýdarýǵa jáne keleńsiz oqıǵalardyń aldyn alýǵa múmkindik beredi. Qazir platformany iske qosý úshin Derekterdi taldaý ortalyǵy salynyp jatyr. Osy sıfrlyq ınfraqurylymdy quqyq qorǵaý organdary da qoldana alady. Sol arqyly qalanyń qaýipsizdigin kúsheıtýge múmkindik týady. «Zań jáne tártip» qaǵıdaty is júzinde jumys isteýge tıis», dedi Prezıdent.
Memleket basshysy Astana ákimine atalǵan jumysty tezdetip aıaqtaýdy tapsyryp, mundaı sıfrlyq platformalardy elimizdiń basqa qalalarynda da engizý qajettigin aıtty.
Qasym-Jomart Toqaev Astanany damytý jónindegi keńeste sóz sóıledi
Bul jumysty Jasandy ıntellekt jáne sıfrlyq damý mınıstrligi úılestiretin bolady.
