Prezıdenttiń aıtýynsha, búginde búkil álem kúrdeli kezeńdi bastan ótkerip jatqanymen, Qazaqstan turaqty damý qarqynyn saqtap otyr.
«Qazir búkil álem kúrdeli kezeńdi bastan ótkerip jatyr. Soǵan qaramastan elimiz jaqsy qarqynmen damyp keledi», dedi Memleket basshysy.
Ol óńdeý ónerkásibi, qurylys jáne kólik-logıstıka salalary ekonomıkanyń negizgi qozǵaýshy kúshine aınalǵanyn atap ótti.
«О́ńdeý ónerkásibi, qurylys, kólik-logıstıka salalary damýdyń qozǵaýshy kúshine aınaldy», dedi Prezıdent.
Qasym-Jomart Toqaevtyń málimdeýinshe, jyl qorytyndysy boıynsha el ekonomıkasynyń ósimi 6 paıyz deńgeıinde bolady dep boljanyp otyr. Al jan basyna shaqqandaǵy ishki jalpy ónim 15 myń dollardan asady.
«Jyl qorytyndysy boıynsha ekonomıkamyz 6 paıyzǵa ósedi dep boljanyp otyr. Al jan basyna shaqqanda ishki jalpy ónim 15 myń dollardan asady. Júıeli túrde júrgizilip jatqan aýqymdy jumys óz nátıjesin berýde», dedi ol.
Prezıdent qazirgi kezeńdi el ómirindegi betburys sát dep baǵalady.
«Biz qazir el ómirindegi taǵdyrsheshti reformalar kezeńine qadam bastyq», dedi Memleket basshysy.
Onyń aıtýynsha, bul ózgeristerdiń mańyzyn memlekettik apparattyń barlyq býyny, birinshi basshydan bastap qarapaıym qyzmetkerge deıin, tereń túsinýi qajet.
«Búkil memlekettik apparat, birinshi basshydan qarapaıym qyzmetkerge deıin muny tereń túsinýi kerek. Buryn-sońdy bolmaǵan mańyzdy mindetterdi júzege asyrý úshin joǵary qarqyn men bastamashylyq tanytý qajet», dedi Prezıdent.
Qasym-Jomart Toqaev batyl, dástúrli sheńberden shyǵatyn, biraq aqylǵa qonymdy sheshimder qabyldaýdyń mańyzyn atap ótti.
«Batyl, sheńberge syımaıtyn, biraq aqylǵa qonymdy sheshimder qabyldaǵan jón», dedi ol.
Sondaı-aq Memleket basshysy memlekettik qyzmette jaýapsyzdyq pen jalqaýlyqqa jol berilmeıtinin qadap aıtty.
«Memlekettik qyzmette jalqaýlyqqa, jumysqa jaýapsyz qaraýǵa oryn joq», dedi Prezıdent.
Ol halyqqa formaldy esep emes, naqty nátıje qajet ekenin basa aıtty.
«Halyqqa ádemi esep emes, naqty is kerek. Sondyqtan barlyq basshy men laýazymdy tulǵadan elge paıdasy bar jumys talap etemin», dedi Qasym-Jomart Toqaev.
Prezıdent sózin alda atqarylatyn mindetterdiń aýqymy keń ekenin atap ótýmen túıindedi.
«Aldymyzda atqaratyn mindet kóp», dedi Memleket basshysy.
