Krýz AQSh prezıdenttigine talasqa birinshi bolyp jazyldy

ASTANA. 22 naýryz. Senator Ted Krýz AQSh-ta 2016 jylǵy qarashada ótetin kelesi prezıdenttik saılaýǵa qatysýǵa sheshim qabyldady. Bul týraly ITAR-TASS habarlady. Kútkendegideı, Tehas shtatynan saılanǵan respýblıkashyl saıasatker aldaǵy dúısenbide óziniń sheshimin Vırdjınııa shtatyndaǵy ýnıversıtetterdiń birinde sóılegen sózinde jarııalaıtyn bolady. Osylaısha 44 jastaǵy Ted Krýz prezıdenttik jarysynyń jolyna túsetin birinshi úmitker bolǵaly tur. Saılaýda respýblıkashylar partııasynan odan basqa, keminde on adam daýysqa túskeli otyr.  Olardyń qatarynda Florıda shtatynyń burynǵy gýbernatory, eks-prezıdent kishi Djordj Býshtyń inisi Djeb Býsh, Nıý-Djersı shtatynyń gýbernatory Krıs Krıstı, senatorlar Marko Rýbıo men Rend Pol, Vıskonııa shtatynyń gýbernatory Skott Ýoker, Arkanzas shtatynyń eks-gýbernatory Maık Hakabı jáne konressmen Pol Raıan bar. Al sarapshylar aldaǵy úmitkerlerdiń ishinen demokratııalyq partııa atynan úmitker bolyp qalýy vqtımal, burynǵy memlekettik hatshy, AQSh-tyń burynǵy birinshi hanymy Hılları Klınton men vıse-prezıdent Djozef Baıdenniń múmkindikteri joǵary sanalýda. Býraq olar áli prezıdenttik saılaýǵa qatysatyndary jónindegi sheshimderin jarııa etken joq. AQSh-tyń qazirgi prezıdenti Barak Otbama bul memlekettik joǵary laýazym úshin kúrese almaıdy. Sebebi, osy joly onyń ekinshi prezıdenttik merzimi aıaqtalyp kele jatyr. Murat Aıtqoja.