Foto: Aqorda
«Memleket erekshe kútimdi qajet etetin balalar máselesine aıryqsha mán beredi. Keshe men Astanadaǵy Inklıýzıvti sport ortalyǵynda boldym. Sondaı ortalyqtardy elimiz boıynsha basqa aımaqtarda salý qajet dep sanaımyn», dedi Prezıdent.
Memleket basshysy Úkimetke ákimdermen birlesip, bul máseleni jan-jaqty pysyqtap, shuǵyl sharalar qabyldaýdy tapsyrdy.
«Shyn máninde, mundaı nysandardyń tek elordada ǵana bolǵany durys emes, árbir oblysta salý kerek. Bul ákimderdiń jumysyndaǵy olqylyq dep aıtýǵa bolady. Biz – áleýmettik memleketpiz. Sondyqtan áleýmettik mindettemelerdi oryndaý árdaıym elimizdiń aıryqsha nazarynda turatyn másele. Bıyl zeınetaqy jáne járdemaqy tóleýge 5,9 trıllıon teńge bólindi. Kelesi jyly bul kórsetkish taǵy 10 paıyzǵa ósedi», dedi Qasym-Jomart Toqaev.
