Polısııa málimetinshe, oqıǵa barysynda qatysýshylar arasynda ózara túsinispeýshilik týyndap, sonyń saldarynan taraptar bir-birine jeńil fızıkalyq áreket jasaǵan. Keıinnen qatysýshylar bir-birinen keshirim surap, tatýlasqanyn jáne oryn alǵan jaǵdaıǵa ókinish bildirgen. Sondaı-aq olar azamattardy bir-birine qurmetpen qaraýǵa jáne kez kelgen kelispeýshilikti beıbit jolmen sheshýge shaqyrdy.
Tekserý nátıjesi boıynsha qatysýshylardyń áreketterine quqyqtyq baǵa berildi. Eki adamǵa qatysty kámeletke tolmaǵandardyń qatysýymen jasalǵan buzaqylyq áreket faktisi boıynsha ákimshilik is qozǵaldy. Sot sheshimimen atalǵan tulǵalar árqaısysy 20 aılyq eseptik kórsetkish (AEK) kóleminde aıyppul túrinde ákimshilik jaýapkershilikke tartyldy.
Almaty qalasynyń polısııa departamenti turmystyq kelispeýshilikter, qarym-qatynas máseleleri nemese tildik erekshelikter eshbir jaǵdaıda qaqtyǵysqa, arandatýǵa nemese qoǵamdyq tártipti buzýǵa sebep bolmaýy tıis ekenin eskertedi. Ulttyq nemese tildik taqyryptardy paıdalana otyryp, daý-janjal týyndatý áreketteri qoǵam úshin qaýipti ári jol berilmeıtin jaǵdaı retinde qarastyrylady.
Polısııa ókilderiniń aıtýynsha, qoǵamnyń negizi – ózara syılastyq, birlik pen kelisim. Bul qundylyqtar ózgermeıtin jáne árqashan mańyzdy qaǵıda bolyp qala beredi.
Almaty qalasynyń polısııa departamenti zań sheńberinde áreket etip, barlyq azamattardyń teńdigin qamtamasyz etetinin atap ótti. Qaqtyǵystardy uıymdastyrýǵa nemese arandatýǵa qatysqan tulǵalar qoldanystaǵy zańnamaǵa sáıkes jaýapkershilikke tartylatyny eskertildi.
